Marsda insan gözünə bənzəyən krater - FOTO - ednews.net

25 İyun, Şənbə

(+994 50) 229-39-11

Marsda insan gözünə bənzəyən krater - FOTO

Maraqlı A- A A+

Avropa Kosmik Agentliyinin (ESA) “Mars Express” kosmik gəmisi Marsın cənub yüksəkliklərində yerləşən Aonia Terra bölgəsində yerləşən krateri çəkib.

Bu barədə agentlikdən bildirilib.

Qeyd edilir ki, “Mars Express”dən alınan görüntü 30 kilometrlik kraterin ətrafındakı səthdə çoxlu müxtəlif rəngləri nümayiş edir. Bu, Qırmızı Planetin bu bölgəsinin müxtəlif materiallardan ibarət olduğunu göstərir.

Kraterin cənubunda səth isti qırmızı rəngə malikdir, kraterə yaxınlaşdıqca daha tünd qəhvəyi-boz rəngə çevrilir. Bu bölgədə, adətən torpağın su, külək və ya buz tərəfindən aşındırılması zamanı əmələ gələn düz zirvəli təpələr nəzərə çarpır.

Kraterin içərisində daha açıq səthdə tünd qum təpələri var. Fotoşəkili daha yaxından araşdırdıqda kraterin çoxlu sayda müxtəlif formalı təpələrlə dolu olduğu aydın olur. Bu, kraterin içərisində çoxlu müxtəlif materialların toplandığını göstərir.

 
 
 
 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...