Vaxt keçdikcə təkmilləşən qidalanma üsulları insanlara həyat keyfiyyətini artırmağa şərait yaradır. Ketogenik pəhrizdən fasilə ilə oruc tutmağa qədər hər birisi günümüzdə ən çox müraciət olunan arıqlama üsulları olaraq qalmaqdadır. Bu pəhrizlər arasında ən çox diqqət çəkən isə “MIND” adlanan növdür. Belə ki, bu pəhriz digərlərindən fərqli olaraq daha çox beyin fəaliyyəti və onun sağlamlığının qorunmasına xidmət edir.
“MIND”-ın əsas xüsusiyyəti isə zehni geriləmə riskini azaltmağa qadir olmasıdır. Pəhriz zamanı “Alzheimer” xəstəliyinin qarşısının alınmasına töhfə verən yaşıl yarpaqlı tərəvəzlər, qoz-fındıq və çiyələk kimi sağlam qidalara üstünlük verilir.
Araşdırma nəticəsində bu pəhrizə orta dərəcədə riayət edən insanlarda “Alzheimer” riskinin təxminən 35%-ə, ciddi riayət edənlərdə isə 53%-ə düşə biləcəyi məlum olub.
Bəs “MIND” pəhrizi nədir? Necə saxlamaq mümkündür?
İlk olaraq vurğulamaq lazımdır ki, bu pəhrizə riayət etmək istəyən şəxslər bir sıra qaydaları bilməlidirlər.
1) Gündə 2 dəfə yaşıl tərəvəz (yaşıl rəngli) yeməlisiz.
2) Həftədə 2 və daha çox giləmeyvə (çiyələk, böyürtkən, qara tut və s.) kimi qidalardan istifadə mütləqdir.
3) Taxıl tərkibli qidaları gündə 3 dəfədən artıq istifadə etmək olmaz.
4) Lobya, kimi qidaları həftədə 4 və ya daha çox porsiya olaraq qəbul etməyə diqqət etməlisiniz.
5) Həftədə 5 dəfədən çox xəmir və şəkərli qidalar qəbul etməməlisiniz.
6) Somon, skumbriya, sardina kimi yağlı balıqları həftədə 1 və ya daha çox, toyuq ətini isə ən azı həftə ərzində iki dəfə qəbul etməlisiz.
7) Bu pəhrizdə olarkən restoranlarda da qidalana bilərsiniz, lakin fast-food, qızardılmış qəlyanaltılardan, yağla zəngin qidalardan və desertlərdən uzaq durmaq vacibdir.
Bu Pəhrizin faydaları hansılardır?
“MIND” pəhrizinin beyin sağlamlığı üçün faydaları ilə yanaşı, həyatınızı asanlaşdıracaq müsbət cəhətləri də var.
Nahar və şam yeməyi üçün heç bir qida məhdudiyyəti olmadığı üçün bütün uyğun yeməkləri gərginlik olmadan rahatlıqla istehlak edə bilərsiniz. Ümumiyyətlə, pəhriz zamanı yaranan aclıq hissi və stress bu pəhrizə daxil deyil. Yaşıl qidalar liflərlə zəngin olduğu üçün uzun müddət toxluq hiss etməyə davam edəcəksiniz.
Nəzrin Beydiyeva, Ednews.net
.jpg)
