Yapon startap şirkəti AERWINS tərəfindən hazırlanan uçan velosiped Xturismo ABŞ-da Detroit avtosalonunda nümayiş etdirilib.
Ednews scientechdaily-ə istinadən xəbər verir ki, 40 dəqiqə havada qala bilən və saatda 100 kilometr sürətə çatan Flying Bicycle Xturismo həvəskarları tərəfindən böyük diqqətlə qarşılanıb.
AERWINS Technology-nin qurucu prezidenti Şuhei Komatsu bildirib ki, şirkət pilotsuz uçuş aparatları ilə yanaşı, idarə olunan təyyarələr də istehsal etməyə başlayacaq.
Komatsu artıq Yaponiyada satışa çıxarılan modelin satış qiymətinin 777 min dollar olacağının gözlənildiyini açıqlayıb.
Bundan əlavə, Komatsu şirkətin 2025-ci ilə qədər qiyməti 50 min dollara endirəcək daha kiçik model üzərində işləməyə davam etdiyini bildirib.
Nəzrin Beydiyeva