Şotlandiyanın Aberdin Universitetinin tədqiqatçıları gündə iki litr su içmək tövsiyəsinin tələb olunandan artıq olduğunu açıqlayıblar.
Ednews xəbər verir ki, “Science” jurnalında dərc edilən araşdırmada gündəlik suya olan tələbatın bir hissəsinin artıq qidadan əldə edildiyi vurğulanıb. Odur ki, alimlər gündə 1,5-1,8 litr suyun insanlar üçün gündəlik kifayət edəcəyini bildiriblər.
Əvvəlki tədqiqatların nümunə ölçülərinin kiçik və məhdud olduğu bildirilir. Aberdin Universitetinin professoru. John Speakman BBC-yə verdiyi müsahibəsində bildirib ki, gündə iki litrin suyun içilməsi haqqında aparılan hesablanmalarda kiçik bir səhvə yol verilib.
Spiker vəziyyəti belə izah edib.
“İçməli olduğumuz su, həzm etməli olduğumuz ümumi su ilə yediklərimizdən aldığımız suyun miqdarı arasındakı fərqdir. İnsanlar qəbul etməli maye miqdarını tənzimləmək üçün, qidalarının miqdarını da bilməli idilər. Amma onlar bunu tam dəqiqliklə bilmədikləri üçün hesablama yanlış olub.
Lakin yeni tədqiqat üçün elm adamları böyük bir əhalini əhatə etmək üçün bütün dünyada əməkdaşlıq etdilər.
Tədqiqatçılar 23 ölkədən 5604 insanla işləyərək bu nəticəyə gəliblər. Belə ki, onlar sabit izotop texnikası adlanan üsuldan istifadə edərək insanların içdiyi sudakı hidrogen molekulunu sabit izotop olan deuteriumla (ağır hidrogen) əvəz ediblər. Deuterium insan orqanizmində tamamilə zərərsiz bir elementdir. Suyun orqanizmdə nə qədər tez həzm olunduğunu öyrənmək üçün əlavə deuteriumun nə qədər sürətlə xaric edildiyini öyrənmək vacibdir. Müvafiq olaraq, orqanizmdəki su dövriyyəsi yüksək olan insanlar daha çox su içirlər.
Araşdırma nəticəsində müəyyən edilib ki, isti və rütubətli mühitlərdə, yüksək hündürlükdə yaşayanlar, həmçinin idmançılar, hamilə qadınların su dövranları daha sürətlidir. Su dövranında ən vacib amil bədənin yandırdığı enerjinin miqdarıdır. Ən yüksək göstəricilər gündə orta hesabla 4,2 litr su ilə 20-35 yaş arası kişilərdə müşahidə olunub. Bu miqdar yaş artdıqca azalır və gündə orta hesabla 2,5 litrə qədər enir. 20-40 yaş arası qadınların orqanizmindəki orta dövriyyəsi 3,3 litr olduğu halda, daha yaşlılarda 2.5 litrdir.
Professor Speakmanın sözlərinə görə su dövranı birbaşa içməli suyun miqdarı demək deyil. Hətta 20 yaşında bir kişinin 4,2 litr su içməyə ehtiyacı yoxdur. Bu dəyərin 15 faizi bədənin səthindəki suyun və maddələrin mübadiləsi nəticəsində yaranır. Gündəlik tələb olunan su tələbatı isə 3,6 litrdir. Bir çox qidaların tərkibində artıq su olduğundan sadəcə yeməklə təmin edilir.
Bu araşdırma göstərir ki, hamımızın səkkiz stəkan su içməli olduğumuz ümumi tövsiyə əksər hallarda heç də həqiqəti əks etdirmir.
Nəzrin Beydiyeva