Dünyada hazırda təxminən 3,6 milyard insan su çatışmamızlığından əziyyət çəkir.
Ednews Xinxua Xəbər Agentliyinə istinadən bildirir ki, Ümumdünya Meteorologiya Təşkilatının 2021-ci il üzrə Qlobal Su Resurslarının Vəziyyəti hesabatında qeyd edilir ki, 3 milyardan çox insan yaşadığı ərazilərdə sudan istədiyi qədər istifadə edə bilmir.
Hesabatda 2050-ci ilə qədər bu rəqəmin 5 milyarddan çox olacağı proqnozlaşdırılır. Hesabat, həmçinin iqlim, ətraf mühit və sosial dəyişikliklərin Yer Küərəsinin su ehtiyatlarına təsirlərini də qiymətləndirib. Burada əsas məqsəd qlobal şirin su ehtiyatlarının monitorinqini tənzimləməkdir.
2001-2018-ci illər ərzində Birləşmiş Millətlər Təşkilatının Su Ehtiyatları Mexanizmi qurumu bütün təbii fəalakətlərin 74%-nin su ilə əlaqəli olduğunu qeyd edib. BMT-nin İqlim Dəyişiklikliyi üzrə Çərçivə Konvensiyasına üzv olan ölkələrin bu yaxınlarda keçirilən 27-ci konfransında su ehtiyatları və problemləri ilə bağlı ətraflı müzakirələr aparılıb.
Ümumdünya Meteorologiya Təşkilatının Baş Katibi Petteri Taalasın sözlərinə görə, iqlim dəyişikliyinin təsirləri, məsələn intensiv şəkildə quraqlıqların və ekstremal daşqınların baş verməsi, qeyri-sabit mövsümü yağışlar və buzluqların əriməsi müşahidə olunmasına baxmayaraq, bir çoxları su ehtiyatlarının bölünməsində, kəmiyyətində və keyfiyyətində baş verən dəyişiklikləri hələ də başa düşməyiblər.
Ümumdünya Meteorologiya Təşkilatının hesabatında növbəti beş ildə baş verəcək daşqınlar, quraqlıqlar və digər təbii təhlükələr ilə bağlı məlumatlar da qeyd olunacaq.
Yunis Abdullayev
.jpeg)
