Jurnalistika dünyasında stringer, xəbər təşkilatına davamlı olaraq hesabatlar, videolar və ya fotoşəkillər təqdim edən, lakin dərc edilmiş və ya yayımlanan hər bir iş üçün fərdi olaraq ödəniş alan müstəqil jurnalist, videoqraf və ya fotoqrafdır.
Frilanser kimi stringerlər müntəzəm maaş almırlar və işin miqdarı, növü adətən könüllü olur. Bununla belə, stringerlər tez-tez bir və ya bir neçə xəbər təşkilatı ilə davamlı əlaqələrə malikdirlər və imkanlar yarandıqda müəyyən mövzular yaxud yerlərdə məzmun təqdim edirlər.
Termin adətən xəbər sənayesi jarqonu ilə məhdudlaşır və stringerlərə bəzən müxbirlər və ya müəlliflər kimi istinad edilir. Digər vaxtlarda onlar töhfə verdikləri işə görə ictimaiyyət tərəfindən tanınmırlar.
Necə stringer olmaq olar?
(5).jpg)
Əvvəlcə ətrafı kəşf edin və yerli televiziya stansiyalarına zəng edin. Onların stringer görüntülərini kimdən aldıqlarını öyrənin. Çünki media sənayəsində "xəbərə layiq" bir hekayəniz olduqda, birbaşa stansiyalara yaxınlaşmalı olacaqsınız. Daha böyük bazarlarda, kadrlarınızı lent vasitəsilə stansiyaları təmin edəcək bir agentliyə təqdim etməlisiz.
Özünüzə keyfiyyətli elektron xəbər toplama paketi əldə edin. Bununla belə, bu gün bu işlə daha ucuz bir kamera ilə - hətta smartfonunuz və bir neçə proqramla da məşğul olmaq mümkündür. Stringer kimi sizin çoxlu əllə çəkilişlər etməyiniz mütləqdir. Ona görə də sabitlik üçün çiyninizə quraşdırıla bilən kameralara üstünlük verin. Yaxınlaşmağınıza icazə verilmədikdə keyfiyyətli şəkillər əldə etmək üçün uzun və ya genişləndiricisi olan obyektivlər sizə işinizdə çox kömək edəcək. Kameranızın xarici mikrofon girişlərini qəbul edə bildiyinə əmin olun. Çünki müsahibə aparmaq üçün keyfiyyətli mikrofona ehtiyacınız olacaq.
Diqqət çəkməyən bir avtomobil alın. Parlaq bir avtomobillə cinayət yerində görünmək sizi şübhəli göstərəcək.
Fəlakətləri, böyük yanğınları, zəlzələləri və ya tornadoları, terror aktlarını, cinayətləri, məşhurların pis davranışlarını, atışmaları, qətlləri, ailə üzvlərinə, xüsusən də uşaqlara qarşı zorakılığı, polisin vəhşiliyi, ev heyvanlarının, uşaqların xilas edilməsini, ölümlə nəticələnən avtomobil qəzalarını çəkmək stringerlərin əsas işidir.
Yol qəzaları, təbii ölümlər, həddindən artıq dozalar və ya intiharlarla bağlı gün ərzində çox işləmək sizə zərər gətirə bilər. Stringer kimi siz insanları ən pis vəziyyətdə belə lentə almaq üçün cəsarətə sahib olmalısınız.
(5).jpg)
Şahidlərdən müsahibə almaq üçün hər hansı təbii müqaviməti dəf etmək mütləqdir. Kim, nə, nə vaxt, harada, niyə və necə suallarını verərək, əsasları xatırlamağa çalışın. Yerli stansiyalardakı xəbər direktorlarını və ya prodüserlərini maraqlandıracaq bir başlığın lazım olduğunu xatırlamaq siziə daha çox uğur qazandıracaq. “Sərxoş yeniyetmələr dörd nəfərlik ailənin ölümünə səbəb olur” başlıqlı hekayə kiminsə diqqətini “Ölümlü qəzada dörd ölü”dən daha çox çəkmə potensialına malikdir.
Siz kameranızla hekayə danışmağı və aydın səs əldə etməyi bacarmalısınız. Nəhayət, səyləriniz qarşılığında pul qazanıb qazanmamağınız videonuzun nə qədər yaxşı olmasından asılıdır.
Nəhayət, ilk müdaxilə edənlərə düzgün davrandığınızdan əmin olun. Əgər onlara qarşı anlayışlı olsaz bu zaman daha çox uğur qazanacaqsız. Təsadüfən cinayət yerinə polisdən əvvəl gəlsəniz, diqqətli olmağınız vacibdir. Çünki, bir çox insanlar kamera qarşısında ifşa olunmağa o qədər də həvəsli deyil. Polislər getməzdən əvvəl bahalı avadanlıqlarınızı hadisə yerində qoymadığınıza əmin olun.
Nəzrin Eldarqızı
