Araşdırmalar insanların sevimli rənglərinin onların xarakterlərini əks etdirdiyini ortaya çıxarıb. Mütəxəssislər deyir ki, üstünlük verilən hər bir detal şəxsiyyətimizin əksidir. Bəyəndiyimiz rənglər, saç düzümümüz, görünüşümüz kimi detallar bizim haqqımızda çox şey deyir. Sevimli rənginiz şəxsiyyətinizi aşkar etməkdə çox faydalı ola bilər! Budur, bəyəndiyiniz rəngə görə şəxsiyyət analizi...
Psixoloqların fikrincə, hər rəng fərqli şəxsiyyəti əks etdirir. Gündəlik həyatınızda istifadə etdiyiniz və ya sevdiyiniz rənglər sizin haqqınızda ipucu verir. Hər şey kimi rənglərin də psixoloji mənaları var. Bəs sizin sevimli rənginiz hansıdır? Bəyəndiyiniz rənglərə görə necə insan olduğunuzu öyrənə bilərsiniz!
Sevdiyiniz rəng qırmızıdırsa;
Sevimli rənginiz qırmızıdırsa, gücə can atan bir insan ola bilərsiniz. Gücü saxlamaq və hətta insanları manipulyasiya etmək üçün əlinizdən gələni edə bilərsiniz. Ola bilsin ki, uşaqlıqda məhdud söz sahibi olmusunuz. Bu sizdə müəyyən narazılıq yarada bilər. Siz həm də konstruktivsiniz və işinizə çox həvəslisiniz.
Sevdiyiniz rəng mavidirsə;
Sevimli rənginiz mavidirsə, çox yaradıcı fikirləriniz var. Orijinal olmağı və orijinal məhsullar yaratmağı xoşlayırsınız. Münasibətlərdə romantik addımlar atmaqdan çəkinmirsiniz. Sizin rədd edilmək qorxusunuz var və siz məşhurluğa can atırsınız. Həyatın mənası, əhəmiyyətini barədə daim düşünürsüz.
Sevdiyiniz rəng qaradırsa;
Sevdiyiniz rəng qaradırsa, çox sabit və güclü bir quruluşunuz var. Nailiyyətlərinizlə fəxr edirsiniz, amma bunu başqası üçün deyil, özünüz üçün edirsiniz. İşinizdə, həyatınızda və münasibətlərinizdə məhdudiyyətlər qoyursunuz, limitlərinizlə özünüzü təhlükəsiz ərazidə hiss edirsiniz.
Sevdiyiniz rəng yaşıldırsa;
Sevimli rənginiz yaşıldırsa, siz iradəli insansınız. Amma cəsarətli olmağı və risk etməyi sevmirsiz. İnsanları bir baxışda çox yaxşı tanıya bilirsiniz. Siz həm də təşkilatçılıqda çox yaxşısınız və yaxşı plan qurursunuz. Siz həyatı və hakimiyyəti sual altına alır və ədaləti sevirsiniz.
Aytən Yaşar
