Ötən gecə Avro 2024 futbol çempionatının yarımfinal mərhələsində oynanılan İspaniya - Fransa qarşılaşmasının gənc 16 yaşlı ulduzu Lamine Yamalın Messi ilə birgə olan şəkilləri sosial şəbəkələrdə böyük maraq doğurub.

Ednews - un xəbər verir ki, Messi və Yamalın unudulmuş şəkli Yamalın atası  İnstaqramda "İki əfsanənin başlanğıcı" başlığı ilə İnstaqram paylaşımından sonra gündəmə gəldi.

Fotolar 2007-ci ildə gənc Lionel Messi "xeyriyyə təqvimi" fotosessiyasında Barselonadakı Camp Nou-nun soyunub-geyinmə otağında çəkilib.

20 yaşında olan Messi artıq adından söz etdirməyə başlamışdı və şübhəsiz ki, tarixin ən yaxşı futbolçularından olacaqdı. Ancaq fotoqraf heç bilmirdi ki, Messi ilə çəkiliş edən körpə 16 il sonra müddətdə beynəlxalq futbolda onun kimi özündən danışdıracaq.

Qeyd edək ki, Yamalın çərşənbə axşamı yarımfinalda Fransaya vurduğu qol, neçə illər boyu danışılacaq qoldur. Çünki o bu qol ilə Avropa Çempionatlarında fərqlənən ən gənc futbolçu ünvanına sahib oldu. (16 yaş 362 gün)

Bundan əvvəl bu ünvan elə eyni turnirdə fərqlənən Türkiyə yığmasının yarımmüdafiyəçisi Arda Gülər idi.

Xatırladaq ki, ötən gecə İspaniya Fransa qarşısında 2-1 hesabı ilə qələbə qazanaraq 12 il sonra turnirdə finalda oynamaq şansının əldə etdi.

Əkbər Novruz