Mətbəx zibil qabı bəzən təmizlənsə də, xoşagəlməz qoxunun mənbəyinə çevrilə bilər. Təcrübəli evdar qadınlar bu problemi həll etmək üçün müxtəlif üsullar təklif edir. 

"EDnews"  zibil qabında pis qoxunun yaranmaması üçün tövsiyələri təqdim edir.

Zibil qabını təmizləmək vacibdirmi?

Ən effektiv yol zibili müntəzəm olaraq atmaqdır, lakin bəzi hallarda plastik qabın özü qoxunu hopdurur. Plastik material təmasda olduğu maddələrin qoxusunu udma xüsusiyyətinə malikdir. Bu problemin qarşısını almaq üçün zibil qabını həftəlik təmizləmək lazımdır.

Təmizləmə üçün tövsiyələr:

* İsti su və yuyucu vasitə: Bir neçə damcı qab yuyucu əlavə edin və zibil qabını yuyun.
* Sirkə qarışığı: Suyu və sirkəni bərabər nisbətdə qarışdıraraq zibil qabını bu məhlulla silin.
* Xardal tozu: İsti suya bir az xardal tozu əlavə edin. Bu, həm dezinfeksiya, həm də dezodor effekt verir.
* Soda məhlulu: Sodadan məcun hazırlayın və qabı bu məhlulla ovuşdurun. 20 dəqiqədən sonra yuyun.
* Ağartıcı məhlulu: Ağardıcını su ilə qarışdıraraq qabı dezinfeksiya edə bilərsiniz.

Qoxunun yaranmasının qarşısını necə almaq olar?

Zibil qabında qoxunun yaranmasına imkan verməmək üçün bu materialları istifadə edə bilərsiniz:

* Qida sodası: Qabın dibinə bir neçə qaşıq soda tökün. Soda həm qoxunu udar, həm də dezinfeksiya edər.
* Pişik qumu: Zibil qabının dibinə pişik qumu tökün. Bu material nəmi udur və xoşagəlməz qoxunun yaranmasının qarşısını alır. Əlavə olaraq, bir neçə damcı efir yağı tökərək xoş ətir əldə edə bilərsiniz.
Qəzet: Köhnə qəzet vərəqlərini qabın dibinə sərin. Qəzet həm qoxunu, həm də nəmi udar. Daha qalın qəzet vərəqləri daha effektivdir.

Əlavə tövsiyə

Qida tullantılarını digər zibillərdən ayrı saxlamaq və onları hər gün atmaq zibil qabında yalnız quru tullantıların qalmasına imkan verər. Bu, pis qoxunun qarşısını almaqda ən təsirli üsullardan biridir.