Bildiyimiz kimi, pandalar bambuk sevirlər, lakin bu tüklü məməlilərin ət yeyənlərə xas olan həzm sistemi mövcuddur. Çin alimləri indi bunun niyə belə olduğunu izah edirlər.

Cümə günü "Frontiers" jurnalı tərəfindən dərc olunan tədqiqat göstərdi ki, pandalar günün 16 saata qədər vaxtınıı bambuk yeyərək və onun tərkibindəki genetik material – mikroRNA (miRNA) – qanda birbaşa qəbul edərək keçirirlər.

Sıçuan əyalətinin Qərb Pedaqoji Elmlər Universitetindən alimlər belə qənaətə gəldilər ki, bu molekul pandaların orqanizmində genetik məlumatın ötürülməsinə təsir edərək onların davranışını formalaşdırır. Tədqiqatın baş müəllifi, doktor Li Feng bildirib: “Bambukdakı mikroRNA nəhəng pandaların gen ifadəsinin tənzimlənməsində rol oynayır.”

O əlavə etdi ki, bu molekul böyümə, bioloji ritmlər, davranış və immun reaksiya kimi fizioloji proseslərə təsir göstərə bilər. Tədqiqatçılara görə, mikroRNA-nın təsiri sayəsində, pandaların balaları zamanla ən təzə və qidalı bambuku seçmə qabiliyyəti qazanacaqlar və bu, onların bitki mənşəli pəhrizlə daha yaxşı uyğunlaşmasına şərait yaradacaq. Tədqiqat üçün altı yetkin panda və bir balanın qan nümunələri götürülüb. Alimlər bu nümunələrdə bambukdan əldə edildiyi ehtimal olunan 57 növ mikroRNA aşkar etdilər. Müəlliflər ümid edirlər ki, bu kəşf, bitkilərin mikroRNA-sının heyvanlara təsirini daha yaxşı anlamağa kömək edəcək və xəstəliklərin müalicəsi və ya qarşısının alınması üçün yeni metodların hazırlanmasında başlanğıc nöqtəsi ola bilər.

Pandaların qidalanması demək olar ki, tamamilə bambuk yarpaqları, gövdələri və budaqlarından ibarət olsa da, onların qidasının təxminən 1%-i digər bitkilər və həmçinin siçovullar kimi kiçik heyvanlardan təşkil olunur (WWF məlumatına görə). WWF-ə görə, təxminən 1800 panda Çin Sıçuan, Şensi və Gansu əyalətlərinin vəhşi dağ silsilələrində yaşayır. Yaşayış mühitinin itirilməsi və onun parçalanması vəhşi pandalar üçün ən böyük təhlükə yaradır, həmçinin onların çoxalma çətinlikləri qorunma səylərini xüsusilə çətinləşdirir.

Son onilliklər ərzində Çin, bu növün qorunması üçün tədbirləri xeyli intensivləşdirərək, əsirlikdə olan panda sayını 12-dən 67-yə artırıb.

Müəllif: Kriss Lau

Mənbə: CNN

Azərbaycan Dilinə tərcümə: Fatimə Şükürova