Fransız yazıçısı və sənədli film rejissoru Gentet Cennifer Eurasia Diary-ə verdiyi müsahibədə Azərbaycana səfərinin təəssüratları və əsas məqsədi barədə danışıb. O, Azərbaycana ilk səfəri olmasına baxmayaraq, bu ölkədə gördüklərindən təsirləndiyini bildirib.
"Mən deyərdim ki, Azərbaycan haqqında öyrənməli olduğumuz çox şey var: mədəniyyət, yemək, cazibə. Mən Azərbaycanda vaxtımı keçirməkdən zövq alıram".
O, ölkəni öyrənmək məqsədilə etdiyi səfər zamanı ona təsadüfən kömək edən insanlarla tanış olub.
"Onlardan biri Beynəlxalq Avrasiya Mətbuat Fondunun prezidenti Umud Mirzəyev idi və sonra mən Azərbaycan Mətbuat Şurasının sədri Əflatun Amaşovla görüşdüm", - deyə Cennifer əlavə edib.
Fransız film rejissoru yenidən ölkəyə geri dönmək və Şəki və bir çox yerləri ziyarət etmək istədiyini deyib.
Cennifer Gentet həmçinin, Azərbaycan milli xörəkləri barədə təəssüratlarını bölüşüb.
"Dolma yemişəm, plov yedim, çoxlu barbekyu və tərəvəzlər yedim. Çox dadlıdır, burada ət çox ləzzətlidir", o dedi.
O, sonda bildirib ki, Azərbaycan çox tolerant və tarixi yerdir. Burada sinaqoqlar, kilsələr, məscidlər, həmçinin məbədlər var. Yəhudilər, müsəlmanlar və xristianlar Azərbaycanda sülh içində yaşayırlar və burada heç bir irqi və dini ayrı-seçkilik yoxdur.
Xəyal Məmmədov
.JPG)
.JPG)
