EDNews.net xəbər verir ki, BMT-nin İnkişaf Proqramının (BMTİP) rezident nümayəndəsi Aleksandr Fraqoseti Azərbaycanda koronavirusa qarşı mübarizə tədbirləri haqqında CBC-yə müsahibə verib.
A.Fraqoseti BMTİP-in pandemiya dövründə koronavirusa qarşı mübarizədə təxirəsalınmaz addımların atılması, məşğulluq, təhsil, kənd təsərrüfatı, rəqəmsal texnologiyalar, onlayn sistemə keçid, ətraf mühit kimi sahələrdə Azərbaycan hökumətinə dəstək nümayiş etdirdiyini söyləyib.
“Uzunmüddətli tərəfdaşımız Əmək və Əhalinin Sosial Müdafiəsi Nazirliyinə əmək bazarında “COVID-19”un təsirini qiymətləndirmək üçün dəstək göstərmişik”, -deyə rezident nümayəndə qeyd edib.
“Təlimləri onlayn platformaya keçirərək məşğulluq sahəsində proqramın uğurla həyata keçirilməsində Nazirliyə dəstək olduq. Bu xüsusilə, öz biznesinə başlamaq istəyən həssas qruplar üçün maliyyə cəhətdən müstəqil olmaq baxımdan vacibdir”, o əlavə edib.
A.Fraqosetinin sözlərinə görə, onlayn təlimlərə Azərbaycan Respublikasının 2016-cı ildə təqdim etdiyi məşğulluq proqramında iştirak imkanı verən 12 mindən çox insan qatılmışdır.
Daha ətraflı video materialda tanış ola bilərsiniz: