“Evimdə oturmuşam, söz verirəm ki…” - Elmar Məmmədyarov danışdı | Eurasia Diary - ednews.net

29 Sentyabr, Çərşənbə axşamı


“Evimdə oturmuşam, söz verirəm ki…” - Elmar Məmmədyarov danışdı

Müsahibələr A- A A+

Prezident İlham Əliyevin sərəncamı ilə Xarici işlər naziri vəzifəsindən azad olunan Elmar Məmmədyarov gununsesi.org-a müsahibə verib.

EDNews.net həmin müsahibəni təqdim edir:

– Elmar müəllim, vəzifənizi itirdiniz. Özünüzü necə hiss edirsiniz?

– Vəzifə insan üçün əbədi deyil. Ona görə də özümü normal hiss edirəm. Uzun illər çalışmışam, xidmət göstərmişəm.

– Gələcək planınız nədir?

– Mən cəmi iki gündür ki, xarici işlər naziri vəzifəsindən azad olunmuşam. Evimdə oturmuşam. Gələcəklə bağlı hansısa qərarım yoxdur. Söz verirəm ki, hansı qərarım olsa, bunu sizlə bölüşəcəyəm.

– ABŞ-a övladlarınızın yanına gedəcəksiniz, ya Azərbaycanda qalacaqsınız?

– Dedim axı, hələ heç nə qərarlaşdırmamışam. Hansı addımı atsam, bunu biləcəksiniz.

– Yeni Xarici işlər naziri Ceyhun Bayramov haqqında düşüncələriniz nədən ibarətdir? Onun diplomat kimi təcrübəsinin olmamasını xüsusi vurğulayanlar var.

– Mən Ceyhun Bayramova uğurlar diləyirəm. Savadlı insandır. Şəxsən də tanışlığımız var. Sualınızın ikinci hissəsinə gəlincə, bu, mənə ünvanlanacaq sual deyil. Ona görə də bu haqda özündən soruşsanız, daha yaxşı olardı.

EDNews.net

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...