Bildiyimiz kimi hazırda Ermənistanda Nikol Paşinyanın partiyası(Mülki Müqavilə)  seçkilərdə ön sıradadır. Paşinyan seçki müddətində həm daxili siyasətdə, həm də Azərbaycanla münasibətdə ikili standart göstərib.

Əgər Paşinyan  və ya digər radikal partiyalar istər indiki, istərsə də yaxın müddətdə baş tutacaq seçkilərdə yenidən qalib gəlsə, Azərbaycanla münasibətlər hansı dərəcədə dəyişəcək? Paşinyan hökümətinin qalib gəlməsinin bizim üçün müsbət cəhətləri varmi?

Məsələ ilə bağlı danışan politoloq Tofiq Abbasov Ednews-a açıqlamasında seçkilərdə istər sağçı radikal, istərsə də  solçu partiyaların hakimiyyətə gəlməsində böyük dəyişikliklər olmayacağını vurğulayıb.

“Təbii ki, hazırda sərhəddə baş verən gərginliyin həm də Ermənistan-Rusiya münasibətlərinin pisləşməsinin əsas fazası kimi biz İrəvanda olan seçkiləri misal göstərə bilərik.

Keçmiş dönəmlərdə biz Ermənistan hökümətində Köçəryan və ya Serj Sarkisyan kimi radikal partiyalarında fəaliyyətindən xəbərdarıq.

Daha sonra guya ki, daha demokratik partiyasi hakimiyətə gəlir və münasibətlərin yumşalmasını dəstəkləyir. Lakin bunlar sadəcə erməni siyasətinin digər bir üzüdür.

Çünki erməni siyasətçilərinin demək olarki hamısı radikal və revanşist mövqedədirlər. Paşinyan Azərbaycanla münasibətləri sırf daxili siyasətdə xal toplamaq üçün istədiyi kimi dəyişir. De-jure olaraq “Azərbaycanın ərazi bütövlüyü tanıyır” lakin faktiki sərhəddə vəziyyəti gərginləşdirir”.

Politoloq bildirir ki, bu problemin nə seçkilərlə, nə də partiyalarda əsaslı əlaqəsi yoxdur. Çünki erməni sosial sferasının əsas ideologiyası ondan ibarətdir ki, nə azərbaycanlılarla, nə də türklərlə sülh şəraitində yaşaya bilmərik. Bu səbəbdən də regional sülhün yeganə problemi Ermənistandır. 

“Son olaraq qeyd etmək istəyirəm ki, ermənlərin maksimalist və şovinist ideologiyası yox olmadıqca, sülhün təmin olunması qeyri-real görünür” – deyə politoloq qeyd edib.

Xəyal Ramiz