Ukraynada ordusunun ən populyar fiquru, baş komandan Valeri Zalujnı artıq müharibənin dalana sıxışdığını və kiçik irəliləyişlər üçün böyük resurslar tələb edən uzun sərhədli bir səngər müharibəsinə girməyi tövsiyə edib. Britaniya kəşfiyyatı müharibənin "I Dünya müharibəsində Fransa və Almaniya arasında gedən böyük itkili lakin kiçik qazanclı münaqişələrə oxşadıb".
Artıq reallıqları qəbul edib müharibəni uduzmağı qəbullanmaq vaxtıdırmı? Yoxsa hələ də Ukraynanın ümidi varmı?
Ukraynalı siyasi və hərbi analitik Vadim Tryxan Ednews – a verdiyi açıqlamasında, bu çıxışın önəminə toxunub. O, hesab edir ki, bu çıxış Ukrayna ordusunda güclü dəyişikliklərə və onunn inkişafına getmək uğrunda mühüm xarakter daşıyır:
“İlk öncə düşünürəm bu, çox,sadələşdirilmiş bir yanaşmadır. Əslində, Ali Baş Komandan Valeri Lujinin məşhur çıxışındakı vurğu tamam başqadır. Müharibədə qalib gəlmək üçün isə bir neçə sahədə ciddi işləmək lazımdır. O, bu bir neçə istiqaməti beş bənddə formalaşdırıb. Söhbət aviasiya, uzaqmənzilli artilleriya, sualtı qayıqlara qarşı müharibə, yüksək texnologiyalı silahlar, eləcə də Ukraynada silah istehsalının artırılması və miqyasının artırılması məsələlərində daha ciddi Qərb yardımından gedir. Ukraynada səfərbərliyin keyfiyyətinin yaxşılaşdırılmasına dair əlavə briqadalar yaradılsın ki, onların vəzifəsi uzun müddət cəbhədə olan Silahlı Qüvvələrin bölmələrinin rotasiyası olacaq”.
Ekspert həmçinin İsrail – Həmas münaqişəsi fonunda Ukrayna – Rusiya müharibəsinin nə qədər uzanacağı barədədə fikir bildirib. O, son səfərlər çərçivəsində Ukrayna müharibəsində mühüm geri dönüşlər ola biləcəyinə ümid etdiyini söyləyib:
“ABŞ – da çox ciddi daxili siyasi proses gedir. Lakin bunun Ukraynaya, yeri İsrailə də aidiyyatı yoxdur. Həqiqətən də bu daxili siyasi proses nəticəsində hazırda həm Ukrayna, həm də İsrail əziyyət çəkir. Amma hər iki müharibənin mahiyyəti iki qrup insanın seçki mübarizəsindən aslıdır. Bir qrup Trampı yenidən prezident olmağa çalışır, digər qrup isə Co Baydeni, prezident etmək istəyir. ABŞ-ın müdafiə naziri Lloyd Ostin bu gün Ukraynaya səfər edib. Və aydındır ki, ABŞ Ukraynadan bezsəydi və ya Ukraynaya hərbi, maliyyə və digər yardımları dayandırmaq, yaxud onu xeyli azaltmaq qərarına gəlsəydi, ABŞ-ın müdafiə naziri Lloyd Ostin bu gün Kiyevə gəlməzdi. Mənim proqnozum belədir ki, ABŞ yardımı dekabrda bərpa olunacaq və onun həcmi 2023-cü ildən daha çox olacaq. Lakin sözsüz ki, Qəzzada baş verən hadisələr Ukraynanı çətin vəziyyətə salıb.
Aİ-yə gəlincə isə hazırda onların yorğun olması ilə bağlı əsər-əlamət də yoxdur. Böyük Britaniyanın yeni təyin olunmuş xarici işlər naziri Kemeron xaricə ilk səfərini Ukraynaya edib. Almaniya göstərilən yardımın həcminə görə liderə çevrilib. Hazırda biz hava hücumlarından müdafiə oluna bilmək üçün müəyyən paketlər almışıq. Ukrayna indi əvvəllər dünyanın ikinci ordusu hesab edilən Rusiya ordusuna qarşı müstəqillik uğrunda çətin mübarizə aparır. Bizim kimi regionda Rusiyaya tab gətirə biləcək 2 – ci bir ölkə demək olar ki, yoxdur. Düşünürəm elə bir an gələcək ki, biz genişmiqyaslı hücuma keçə biləcəyik”.
Əkbər Novruz
