Baş verən iflaslar kriptovalyuta bazarının sarsıntıdan tam çıxması deməkdirmi? Son illərdə marağın sabitləşdiyi müşahidə olunan bu bazarda Azərbaycandan iştirakçılar çoxdurmu?

Həqiqətən gələcəkdə qlobal iqtisadiyyatdan başlayaraq,  bütün ictimaiyyətdə kripto valyuta əsas valyuta mənbəyi ola biləcəkmi?

Yeni iqtisadiyyatın bazara gətirdiyi bu valyuta haqqında suallarımızı iqtisadçı Rəşad Həsənov cavablandırıb. İqtisadçı Ednews-a açıqlaması zamanı qeyd edib ki, kripto valyuta bazarında gənclərin fəallığın daha çox nəzərə çarpır:

“Azərbaycanda, xüsusilə də, gənclər arasında kripto bazarına maraq göstərənlər çoxdur.

Əsasəndə müxtəlif platformalar üzərindən kripto birjalarını aktiv şəkildə iştirak edən azərbaycanlılar var. Sadəcə, Azərbaycan bazarı kiçik bazardır. Eyni zamanda hər hansı bir  sərmayə bazarında iştirak etmək üçün müəyyən imkanlar lazımdır. Azərbaycanda kripto iqtisadiyyatında maraqlı olan, bu sahənin perspektivlərini və inkişaf alternativləri bilən və vəsait sahibi olanların sayı digər ölkələrə nisbətdə azdır. Bu prosesdə müəyyən dərəcədə kripto bazarının inkişafını zəiflədir. Bundan başqa yerli kriptolarda emissiya olunur. Təbii ki, qlobal səviyyədə belə kriptonun  gələcəyi ilə bağlı bir mənalı yanaşmalar yoxdur. Hökümətlərin mərkəzi bankları xüsusilə çalışır ki, bu bazarı idarə oluna bilən və stabil olsun. Həmçinin kripto bazarının hüquqi əsaslarının formalaşdırılması istiqamətində müəyyən təşəbbüslər var”.

İqtisadçı həmçinin qeyd edib ki, Azərbaycan Mərkəzi Bankıda kripto ilə bağlı müəyyən addımlar atıb:

“Bunlara misal Avropa Mərkəzi Bankı, Federal Bank və Britaniya Mərkəzi Bankı bu sahədə ilklər sırasındadır.

Azərbaycan Mərkəzi Bankınında bu istiqamətdə bazarın öyrənilməsi ilə bağlı təşəbbüsləri vardır.

Lakin dediyimiz kimi Azərbaycanda maliyyə bazarları sadaladığımız ölkələrlə müqayisədə çox aşağı olduğu üçün imkanlar və alternativlərdə məhdudiyyət yaradır. Zamanla  bu sfera Azərbaycandada istənilən səviyyədə inkişaf edəcək.

Bundan qaçmaq mümkün deyil. Düşünürəm ki, kripto bazar həqiqəqətən gələcəkdə ödəniş sistemin özəyi hesab olunacaq. Amma hər zamanki kimi bu sahədə də gecikəciyik”. 

Xəyal Ramiz