“Sırf yaxın Şərqdə və Balkanlarda baş verən proseslərlə bağlı İrana da yaxın zamanda müdaxilə olunacağı düşünülür”.
Bu fikirləri politoloq Turab Rzayev Ednews-a açıqlaması zamanı bildirib.
Daha sonra o qeyd edib ki, Qərb tərəfindən Serbiyaya bu cür müdaxilə addımı atması gözlənilən idi:
“Uzun müddətdir ki, Serbiya Avropada Rusiyanın əsas dayaq nöqtələrindən biridir. Son 200-300 ildə bu şəkildə davam edib. Sovet dövründə Yuqoslaviya dağılarkən Serbiya regionda əsas müttəfiq dövlət olub. Eyni zamanda NATO-nun Belqradı bombardman etməsidə buna misaldır.
Daha sonra Kosovanın Serbiyadan qopardılması və əraziyə NATO qüvvələrinin yerləşdirilməsi və s. Bir sıra dövlətlər var ki, Avropa daxilində Bolqarıstan, Macarıstan, Serbiya fərqli siyasi aktivlik göstərərək Rusiyaya qarşı sanksiyalardan yayınmağa çalışırlar. Bundan əvvəl də biz Serbiya və Kosova arasında olan münasibətlərin gərginləşməsinin şahidi olmuşuq.
Burada əsas hədəf Rusiya özünü göstərir ki, yəni, mən Avropanın mərkəzinə qarışa bilərəm. Eyni zamanda diqqəti öz üzərindən götürməyə çalışır. Qərb Məhz buna görədə Rusiya ilə masaya əyləşən digər Avropa ölkələrini cəzalandırmaq niyyətindədir”.
Politoloq əlavə olaraq vurğulayır ki, Qərb Serbiya hakimiyyətinin başını qatmağa çalışır:
“Serbiya hökümətini zəiflədərək əsasən daxili problemləri ilə məsələni bulandırmağa cəhd edəcəklər.
Əlbəttə alınsa Serbiyada da Avropaya inteqrasiya tərəfdarı olan bir hökümət gətirəcəklər. Sırf yaxın Şərqdə baş verən proseslərlə bağlı İranada yaxın zamanda müdaxilə olunacağı düşünülür”.
Xəyal Ramiz