Mənzil qiymətlərinin rekord dərəcədə artması və iqtisadi böhran rusların üstünlüklərini də dəyişib. 2022-ci ildə Antalyada 22 min ev alan əcnəbilər 2023-cü ildə cəmi 12.901 ev alıb.

Ednews sozcu.com-a istinadən  xəbər verir ki, əcnəbilərin, xüsusən də rus və ukraynalıların Antalyaya marağı getdikcə azalır.

Türkiyədəki iqtisadi böhran təkcə yaşayış bahasına səbəb olmayıb. Türkiyə indi həm turistlər, həm də vətəndaşlıq alıb orada yaşamaq istəyən əcnəbilər üçün rəqiblərinə nisbətən bahalı ölkə kimi görünməyə başlayıb. Dəyişən tendensiya məlumatlarda da öz əksini tapıb. Rusiya-Ukrayna müharibəsi başlayan 2022-ci ildən sonra ruslarla dolu olan şəhərdə kirayə və satış evlərinin qiymətləri də pik həddə çatıb. Bununla belə, 2022-ci ildə 22.017 olan xarici investorların daşınmaz əmlak alışları 2023-cü ildə yüzdə 41 azalaraq 12.901-ə düşüb. Eva Gayrimenkul Değerlemenin Torpaq Reyestrinin Xarici Əlaqələr İdarəsinin statistikasına əsaslanaraq paylaşdığı məlumatlara görə, bu ilin ilk rübündə xarici investorlar şəhərdə 2258 daşınmaz əmlak alıb. Bu rəqəm 2023-cü ilin birinci rübü ilə müqayisədə 48 faiz azalma deməkdir.

Xəyal