"7 fevral tarixində Azərbaycanda baş tutmuş Prezident seçkiləri olduqca nümunəvi bir xarakter daşıyır”.
Ednews xəbər verir ki, bu sözləri Azərbaycan-ABŞ İqtisadiyyat və Təhsil Şurasının baş direktoru və təsisçisi, BAMF-ın ABŞ-dakı nümayəndəsi Piter Teys baş tutan seçkiləri şərh edərkən söyləyib.
“İlk öncə seçkilər zamanı nümayiş etdirilən demokratik təcrübələrin və şəffaf seçki proseslərinin yüksək səviyyədə olduğunu vurğulamalıyam. Bu Prezident İlham Əliyevin təqdirəlayiq rəhbərliyi və dövlətçilik bacarığnın nümunəsidir. Azərbaycan bu seçkilərlə beynəlxalq qanunlara və demokratik normalara riayət edərək, ölkənin son 30 ildə demokratik dəyərlərin təşviqinə sadiqliyini göstərdi. Xüsusilə qeyd etmək istərdim ki, Prezident Əliyevin son on il ərzində əldə etdiyi nailiyyətlər düşünürəm saymaqla bitməz. Bu səbəbdən onun yenidən qələbəni təmin etməsi ölkənin gələcəyi naminə böyük töhfələr verəcəyinə qətiyyən şübhə etmirəm. Azərbaycan hökumətini keçmiş Sovet İttifaqı bloku daxilində ən inkişaf etmiş demokratiyaya çevirməkdə və son 30 ildə demokratik təsisatların gücləndirilməsində davamlı səylərini təqdir edirəm”.
O, həmçinin bu seçkinin Azərbaycan tarixi üçün necə önəmli bir rol oynadığını da söyləyib:
“Azərbaycanda, xüsusən də Qarabağda olduğum zamanlar müşahidə etdiyim vəziyyəti gördükdə olduqca təəssüf hissi keçirmişdim. İndi isə İlham Əliyevin rəhbərliyi ilə Ermənistan Silahlı Qüvvələri tərəfindən işğal edilmiş torpaqların azad edilməsi faktı mövcuddur. Bu torpaqlarda müstəqil Azərbaycan Respublikasının yaradıldığı tarixdən etibarən, ilk dəfə seçkilərin keçirilməsi olduqca əlamətdardır. Prezident İlham Əliyevin rəhbərliyi ilə Azərbaycan Respublikasının demokratiya, iqtisadi tərəqqi və regional sabitlik istiqamətində atdığı mühüm addımları nəzərə alarsaq, regionda sülhün yenidən bərqərar olmasının şahidi olmağımız olduqca mümkün görünür”.
Əkbər Novruz
