Ermənistanın Azərbaycan sərhədində törətdiyi təxribat yenə vəziyyəti gərginləşdirib. Azərbaycana qarşı baş verən bu kimi təxribatlara görə Ermənistanın hərbi-siyasi rəhbərliyi məsuliyyət daşıyır. Baş verən insident gözlənilən sülhün müqaviləsinə necə təsir edəcək? 

Məsələ ilə bağlı politoloq Tural İsmayılov Ednews-a açıqlaması zamanı vurğurlayıb ki, sərhəddə baş verən təxribat sülh prosesinə böyük zərbə vurur: 

“Baş verən hadisə indiyə qədər Azərbaycanın sülhpərvər mövqeyinə qarşı atılan təxribatçı və provakasyon addımların davamı kimidə xarakterizə edilə bilər.

Ermənistana  hər dəfə etdiyi təxribatlara görə layiqi cavabı alıb. Bu təxribat sülh prosesinin və imzalanma mərhələsənin ləngiməyinə səbəb olub.

Törədilən provakasyonlar təkcə sülh prosesini pozmur, həmçinin bu gün Ermənistan ərazilərindəki Avropa İttifaqı missiyası, Fransa və s. xarici qüvvələr Ermənistanı silahlandırmaqla, təhrik etməklə, situasiyanı grginləşdirməyə çalışırlar.

Öz yolunda bu da avtomatik olaraq iki ölkə arasında baş verəcək sülh potensialının əngəllənməyidir.

Ötən ilin sonuna doğru  delimitasiya ilə bağlı bir neçə görüşlərin keçirilməsi, Azərbaycan və Ermənistanın qarşılıqlı hərbi əsir mübadiləsi, Ermənistanın COP24 evsahibliyi etməsini dəstəkləməsi  və ondan sonrakı dövrlərdə hər iki  ölkənin bir birinə dəstək verməsi sülh üçün pozitiv mesajlar idi. Lakin Ermənistana heç bir halda tam güvənmək olmur”. 

Əlavə olaraq politoloq qeyd edib ki, sonuncu sərhəd insidenti və bundan sonra baş verə biləcək istənilən bir təxribat Azərbaycan və Ermənistan arasındakı  sülh prosesini birmənalı şəkildə pozur:

“Ancaq hər halda Azərbaycanın Zəngilanda keçirdiyi qisas əməliyyatı təxribata cavab idi və Azərbaycan həmişə sülhə sadiq qalacaq. Sülh prosesi pozulur və zədələnir lakin iki ölkə arasında sülhün təməli və dayaqları sarsılmır”. 
Politoloq hesab edir ki, baş verən bütünü çətinlikıərə rəğmən Azərbaycanın diqtə etdiyi şərtlər fonunda müsbət bir irəlləyiş əldə ediləcək.

Xəyal Ramiz