“İslamofobiya İslam dininin yanlış anlaşılmasından qaynaqlanır”.

Ednews xəbər verir ki, bu sözləri Əl-Cəzirə” İctimai Azadlıqlar və İnsan Haqları Mərkəzinin direktoru doktor Sami Əl-Həcc Ednews-a verdiyi özəl müsahibəsində deyib.

“İslamofobiya konfransı sivilizasiyalararası qarşıdurmaların artdığı və dünyada baş verən münaqişələr və müharibələrin artdığı bir vaxta təsadüf edir. Düşünürəm ki, bu konfransda iştirak edənlər çox faydalı məruzələr və tövsiyələr təqdim etdilər və bu da İslam dinini düzgün dərk etməyə və bu haqda yaranan bir çox yanlış təsəvvürləri aradan qalxmasına səbəb olacaq".

Əl-Hac çıxışında bu qlobal problemin aradan qaldırılmasında medianın roluna toxunaraq bildirib ki, media islamofobiya  problemini aydınlaşdırılmasında təsirli orqan hesab olunur:

"Əgər media əsas missiyasını yerinə yetirirsə, İslam dininə qarşı münasibət dəyişəcək. Eyni zamanda media İslam haqqında yaranan  yanlış fikirlərin dağıdıcısı ola bilər. Ona görə də hesab edirəm ki, medianın bu işdə həmin sahənin ekspertlərini qəbul etməklə, məqsədyönlü verilişlər hazırlamaqla, müsbət fikirlər çatdırmaqla çox mühüm rolu var".

Loğman Yunis