Revanşist hərəkata rəhbərlik edən keşiş Baqrat Qalstanyan mayın 26-da “izdihamlı mitinq” başladacağını, Nikol Paşinyan hökumətinə qarşı “təsiredici addımlar” atacaqlarını deyib. Revanşistlər məqsədlərinə nail ola bilərmi? Mövqeyi revanşistlərdən fərqli olduğu iddia edilən sabiq prezident Levon Ter-Petrosyan və partiyası Erməni Milli Konqresi niyə onlara dəstək vermək qərarına gəldi?
Məsələ ilə bağlı politoloq Tural İsmayılov Ednews-a açıqlaması zamanı qeyd edib ki, hazırda Ermənistanda revanşistlər son çırpınışlarını həyata keçirirlər:
“Faktiki olaraq bu gün Ermənistan cəmiyyətində revonşinistlər heç nəyi ehtiva etmirlər. Ümumiyyətlə onların erməni cəmiyyətində hər hansısa təsir imkanları da qalmıyıb. Belə olan təqdirdə sadəcə ortalığı bulandırmaqla məşgul olurlar və buda bütövlükdə Azərbaycanla Ermənistan arasında formalaşa biləcək sülh imkanlarına qarşı yönəlmiş addımlardı. Mən hesab edirəm ki, revanşistlər məqsədlərinə nail ola bilmiyəcək çünki nəzərə almaq lazımdır ki, bu gün Ermənistan ictimai rəyində revanşistlərin dayağı kifayət qədər aşağı vəziyyətdədir. Eyni zamanda nə qədərki Ermənistan xalqı neofaşist idealardan və 30 ildən çox davan edən, onlara yeridilən kütləvi informasiya vasitələri və tədris vasitələrindəki radikal milliyətçi meyillərdən qurtulmasa da Azərbaycan və Ermənistanın bundan sonra heç bir formada müharibə apara bilmiyəcək bir səviyyədə olduğunu yaxşı dərk edirlər. Ona görədə revanşistlərin bu addımları fiaskoya məruz qalacaq”.
Politoloq əlavə olaraq vurğulayır ki, Levon Terpetrosyan və Erməni milli konqresi Ermənistanın ictimai-siyasi həyatında heç vaxt heç nəyi ehtiva etməyibdir:
“Özəlliklə, onun son dövrlərdə ziqzaq siyasi mövqeyi və Levon Terpetrosyanın qalmaqallı şəxsiyyəti, onun ətrafındakı siyasətçilərin də Ermənistan cəmiyyətində populyar olmaması Erməni milli konqresinin erməni xalqında bir reaksiya doğurmayacağını söyləməyə əsas verir. Sadəcə olaraq Terpetrosyan Erməni Milli konqresində ortada qalmış siyasi tör- töküntülər mövcudluqlarını davam etdirmək üçün nələr isə gündəmə gəlməyə çalışırlar. Bu baxımdan da Baqrat Qalstanyanın Aksia şousundan hərə özünə siyasi dividend və xalq qazanmağa çalışır”.
Xəyal
