Milli Məclisin buraxılması və növbədənkənar parlament seçkiləri elan edildikdən sonra deputatların statusu məsələsi ətrafında suallar yaranıb. Bir çoxları iddia edir ki, artıq deputatlar bu statusu itirib. Əksini düşününlər isə seçkiyə qədər millət vəkili statusu daşıdıqlarını qeyd edir. Parlamentin buraxılmasından sonra seçkilərə qədər olan vaxtda deputat mandatlığı qalır?

Məsələ ilə bağlı hüquqşunas Əsabəli Mustafayev Ednews-a açıqlamasında mövcud qanunu xatırladıb:

“Azərbaycan Konstutsiyasının 84-cü maddəsində göstərilir ki,  Azərbaycan Milli Məclisinin səlahiyyət müddəti 5 ildir. Daha sonra göstərilir ki, deputatların səlahiyyət müddəti Milli Məclisin səlahiyyət müddəti qədərdir. Yəni o da 5 ildir. Ancaq konstutsiyanın 87-ci maddəsində bu mövzu bir az dəqiqləşdirilib. Orada göstərir ki, Milli Məclisin deputatlarının səlahiyyətləri yeni seçilmiş Milli Məclisin ilk iclas günü bitir. Bu da o deməkdir ki, Milli Məclisin səlahiyyət zamanı həmən vaxt bitir. Konstutsiyadanda görüldüyü kimi, demək olar köhnə çağırış deputatları hələ də deputatdırlar”. 

Xəyal Ramiz