“Mxitaryan Bakıya getmək istəmir? Öz işidir...” - UEFA prezidentindən Bakıya dəstək | Eurasia Diary - ednews.net

17 Avqust, Şənbə


“Mxitaryan Bakıya getmək istəmir? Öz işidir...” - UEFA prezidentindən Bakıya dəstək

Siyasət A- A A+

UEFA prezidenti Aleksandr Çeferin “Arsenal” klubunun erməni hücumçusu Henrix Mxitaryan ətrafında son günlər Avropa KİV-lərində qaldırılmış süni ajiotaja münasibət bildirib. Xatırladaq ki, Azərbaycan tərəfinin bütün təhlükəsizlik təminatı verməsinə baxmayaraq Mxitaryan “təhlükəsizlik” bəhanəsi ilə Bakıya, Avropa Liqasının mayın 29-də keçiriləcək finalında “Çelsi” ilə oyuna  gəlməkdən imtina edib. Ermənistan dairələri və Avropadakı ermənipərəst çevrələr isə Mxitaryanın qərarını Azərbaycana qarşı təbliğat aparmaq üçün istifadə edirlər.

 

“Mxitaryan Bakıya getmək istəmir? Bu oyunçunun öz işidir. Azərbaycan oyunçunun təhlükəsizliyinə təminat vermişdi. Əgər biz bu situasiya ilə bağlı getsək, futbol bu siyasi təzyiqlər altında oynansa gələcəkdə heç nə təşkil edə bilmərik”-Aleksandr Çeferin “Spiegel”ə müsahibəsində deyib.

 

 Azərbaycanda insan haqları ilə bağlı problemlər haqda suala cavabında isə UEFA prezidenti deyib ki, belə problemlər başqa ölkələrdə də var. “Başqa ölkələrdə də buna oxşar problemlər var. Bu o deməkdir ki, Bakı sakinlərinin canlı futbol izləmək haqqı yoxdur?”-Çeferin bildirib.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...