Azərbaycanın Serbiyadakı fövqəladə və səlahiyyətli səfiri Eldar Həsənov Türkiyənin hüznünü bölüşmək məqsədilə qardaş ölkənin səfirliyini ziyarət edib.
Eurasia Diary "Turkustan.info"ya istinadla xəbər verir ki, səfir Eldar Həsənov və səfirliyin bütün diplomatları Türkiyənin Belqrad Səfirliyinə gedərək İraqın Ərbil şəhərində xain silahlı hücum zamanı həyatını itirən türk diplomat üçün başsağlığı veriblər.
Türkiyə Səfirliyi bu addımı yüksək qiymətləndirərək sevincli və hüznlü günlərdə hər zaman Türkiyə ilə bir yerdə olan Azərbaycan diplomatının səmimi addımına görə minnətdarlıq edib.