Qırğızıstan Prezidenti Azərbaycana səfərə gəlib | Eurasia Diary - ednews.net

16 Noyabr, Şənbə


Qırğızıstan Prezidenti Azərbaycana səfərə gəlib

Siyasət A- A A+

Qırğız Respublikasının Prezidenti Sooronbay Jeenbekov Türkdilli Dövlətlərin Əməkdaşlıq Şurasının VII Zirvə Görüşündə iştirak etmək üçün oktyabrın 14-də Azərbaycan Respublikasına səfərə gəlib.

Eurasia Diary xəbər verir ki, hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda ali qonağın şərəfinə fəxri qarovul dəstəsi düzülüb.

Qırğızıstan Prezidenti Sooronbay Jeenbekovu hava limanında Azərbaycan Respublikası Baş Nazirinin birinci müavini Yaqub Eyyubov və digər rəsmi şəxslər qarşılayıblar.

*** 

Qırğızıstan prezidenti Sooronbay Jeenbekov Türkdilli Dövlətlərin Əməkdaşlıq Şurasının (Türk Şurası) VII iclasında iştirak etmək üçün Azərbaycana rəsmi səfərə yola düşüb.

Məlumatı Qırğızıstan prezidentinin mətbuat xidməti yayıb.

Dövlət başçısını səfərdə xarici işlər naziri Çingiz Aydarbekov, iqtisadiyyat naziri Sanjar Mukanbetov, maliyyə naziri Baktıqul Jeenbayeva, mədəniyyət, informasiya və turizm naziri Azamat Jamankulov, eləcə də Prezident Administrasiyasının xarici siyasət şöbəsinin müdiri Daniyar Sadıkov müşayiət edir.

S.Jeenbekovun bu gün Azərbaycan Prezidenti İlham Əliyevlə ikitərəfli görüşü planlaşdırılır. Bundan əlavə, Qırğızıstan rəhbəri Bakıda Qazaxıstanın ilk prezidenti Nursultan Nazarbayevlə də görüşəcək.

Türk Şurasının iclası sabah keçiriləcək. Tədbirdən sonra S.Jeenbekov Türkiyə Prezidenti Rəcəb Tayyip Ərdoğan ilə görüşəcək.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...