Xəbər verdiyimiz kimi, Paris Sülh Forumunda iştirak edən azərbaycanlı fəal Bəxtiyar Hacıyev Ermənistanın baş naziri Nikol Paşinyana Qarabağla bağlı suallar ünvanlayıb. Hacıyev bildirib ki, Ermənistanda anadan olsa da, öz doğulduğu yerə gedə bilmir:
Bütün BMT üzv dövlətləri Qarabağı Azərbaycanın tərkib hissəsi kimi görür, o cümlədən, Ermənistan da. Belə olduğu halda bir ölkənin Baş naziri kimi başqa ölkənin ərazisi sayılan və bütün beynəlxalq aləm tərəfindən Azərbaycanın tərkib hissəsi hesab edilən Xankəndinə gedib, ordan “Qarabağ Ermənistandır və nöqtə” deməyinizin sülh prosesinə hansı töhfəsi var? Sizin bəyanata Azərbaycan Prezidenti də “Qarabağ Azərbaycanın və nida” kimi cavab vermişdi.
Paşinyan Bəxtiyar Hacıyevin sualına cavab verərkən dolaşıq fikirlər söyləyib və tarixi hadisələri təhrif edib:
"Qarabağ beynəlxalq ictimaiyyət tərəfindən Azərbaycan ərazisi kimi tanınır - bu düz deyil. Çünki danışıqlar aparılması üçün beynəlxalq format var və onun adı ATƏT-in Minsk qrupu həmsədrliyidir. Bu formatın tələbi Qarabağın statusunun son aqibətinə qərar verilməsidir. Əgər Qarabağ beynəlxalq ictimaiyyət tərəfindən Azərbaycan ərazisi kimi tanınırsa onda niyə danışıqlar aparırsınız? Azərbaycan daxilində Qarabağ üçün yüksək status təklif edirsiniz. Qarabağın belə bir statusu artıq var idii. Mən bu statusu keçid statusu adlandırıram. Elə o özü bizi bu qanlı konfliktə sürüklədi".
Daha sonra Paşinyan əlavə edib ki, "Bir ilə yaxındır konstruktiv mövqe göstərib və rəsmi Bakıdan heç bir cavab gəlməyib. Ona görə belə bəyanat verib. Ermənistandan qaçqın düşən azərbaycanlılarla bağlı söyləyib ki, ermənilər Azərbaycanı tərk edəndə Sumqayıtda qırğına məruz qalmışdılar, amma azərbaycanlılar Ermənistanı tərk edəndə guya yerli erməni milisi onları müşayiət edirmiş. Nəticədə heç bir zədə almadan Ermənistanı tərk ediblər".
Sözügedən kadrları sizə təqdim edirik:
