Paytaxt Bakıda minlərlə insan Xocalı soyqırımının 28-ci ildönümü ilə əlaqədar anım mərasiminə qatılıb.

Bu gün  Xətai rayonunda yerləşən faciə qurbanlarının xatirəsinə ucaldılmış "Ana harayı" abidəsinin önünə yüzlərlə insan toplaşıb. 

Anım mərasimdə iştirak edən Türkiyənin Azərbaycandakı səfiri Erkan Özoral Eurasia Diary-ə açıqlama verib:  

"Xocalı soyqırımı insanlıqdan uzaq bir faciədir. Xocalıda yüzlərlə günahsız insan qətlə yetirildi, 613 şəhidimiz var. 150 nəfər itkin düşüb və hələ də onlardan xəbər yoxdur. Çox sayda insan yaralandı, əsir götürüldülər. Faciədən 28 il keçməsinə baxmayaraq, hələ də eyni kədəri hiss edirik. İnşallah, bu cinayəti törədənlər məhkəmə önünə çıxarılar və vicdanları bir az da olsa rahatlayar, cəzalarını alarlar", səfir bildirib.

Günel AĞAYEVA,

Gülnar SƏLİMOVA

Eurasia Diary