Ermənistanın 3-cü prezidenti, Dağlıq Qarabağın işğalında separatçıların əsas rəhbərlərindən biri olan Serj Sarkisyan Xankəndidə keçirlən qondarma “seçkilər”də məğlub olduqlarını dolayısı ilə etiraf edib.
EDNews xəbər verir ki, bu barədə Ermənistanın “1in.am” saytında dərc edilən məqalədə bildirilir. Qeyd edilir ki, Sarkisyan “seçkilər”lə bağlı açıqlamasında Dağlıq Qarabağ ermənilərini təbrik edib və vurğulayıb ki, siyasi baxışları bir kənara qoyub mövcud nəticələri qəbul etməliyik.
Hesab edilir ki, S. Sarkisyan bununla öz tərəfdarlarına və xüsusilə “seçkidə” 3-cü yeri tutanVitali Balasanyana səslənib.
Qeyd edək ki, V. Balasanyan S.Sarkisyanın və Robert Köçəryanın namizədi kimi “Qarabağ klanı”nın əsas ünsürlərindən sayılır. Buna görə də Nikol Paşinyanı dəstəkləyən mediada Sarkisyanın bu çağırışının həm də R. Köçəryana yönəldiyi bildirilir və yeni komandanın uğurunun qəbul edilməsi kimi qiymətləndirilir.
Vurğulanır ki, Sarkisyan dolayısı ilə həm də Köçəryana Dağlıq Qarabağda məğlub olduqlarını və real nəticələri qəbul etməyin zəruriliyini çatdırıb.(moderator.az)