Azərbaycanın Xarici İşlər naziri Ceyhun Bayramov və onun pakistanlı həmkarı Şah Mahmud Qureyşi arasında telefon danışığı olub.
Eurasia Diary Pakistanın DND xəbər agentliyinə istinadən xəbər verir ki, danaışıq zamanı Pakistanın naziri Aəzrbaycana Dağlıq Qarabağ münaqiəsində tam dəstəyini ifadə edib.
Telefon danışığında ikitərəfli münasibətlər və Dağlıq Qarabağ münaqişəsi müzakirə olunub.
Qureyşi Dağlıq Qarabağ bölgəsində təhlükəsizlik vəziyyətinin kəskinləşməsindən ciddi narahat olduğunu bildirirb. O, eyni zamanda Ermənistan qüvvələrinin Azərbaycanın mülki yaşayış məntəqələrinə hücumlarını qınayıb.
Şah Mahmud Qureyşi Pakistanın bu ağır zamanda Azərbaycan rəhbərliyi və xalqının yanında olduğunu söyləyib.
Azərbaycanın Xarici İşlər naziri Ceyhun Bayramov Pakistanın münaqişədə hərtərəfli dəstəyinə görə Qureyşiyə minnətdarlığını bildirib.
Söhbət zamanı iki xarici işlər naziri Pakistan və Azərbaycan arasında ikitərəfli münasibətlərin mahiyyətindən məmnunluqlarını ifadə ediblər.
Ticarət, təhsil və mədəniyyət daxil olmaqla çoxtərəfli sahələrdə ikitərəfli əməkdaşlığın gücləndirilməsinə dair razılığa gəliblər.
Şah Mahmud Qureyşi Azərbaycanlı həmkarını Pakistana dəvət etdi və Ceyhun Bayramov dvəti qəbul edib.
