Rəsmi Paris “Dağlıq Qarabağ Respublikası”nın müstəqilliyini tanımır.
Eurasia Diary APA-ya istinadən xəbər verir ki, bu barədə Rusiyanın “TASS” İnformasiya Agentliyi məlumat yayıb.
“25 noyabrda Senat qətnamə qəbul edib və bu qətnamədə öz müstəqilliyini elan etmiş “Dağlıq Qarabağ Respublikası”nın tanınması ilə bağlı Fransa hakimiyyətinə çağırış edilib. Səsvermədən əvvəlki müzakirələr zamanı Xarici İşlər Nazirliyinin Dövlət katibi Jan-Batist Lemuan Fransa hökumətinin bu mövzuda mövqeyini bir daha xatırladıb – Fransa özünü müstəqil elan etmiş “Dağlıq Qarabağ Respublikası”nı tanımır”, - deyə Fransa Xarici İşlər Nazirliyinin brifinq zamanı yayımlanmış açıqlamasında qeyd olunub.
Eyni zamanda, Jan-Batist Lemuan qətnaməyə baxış zamanı bildirib ki, Fransanın “Dağlıq Qarabağ Respublikası”nın müstəqilliyini birtərəfli qaydada tanıması heç kimə fayda verməyəcək və sülh prosesinin irəliləməsinə kömək etməyəcək.
1_0.jpg)
