"Azərbaycan müxtəlif xalqların nümayəndələrinin və müxtəlif dini inancları olanların hüquq və azadlıqlarının bərabər şəkildə təmin olunduğu çoxmillətli və çox konfessiyalı bir dövlətdir. Azərbaycan Dağlıq Qarabağın nəzarəti altına aldığı bölgələrdə xristian məbədlərinin təhlükəsizliyini təmin edə biləcək".
Eurasia Diary xəbər verir ki, Rusiyanın Bakıdakı səfiri Mixail Boçarnikov TASS-a verdiyi müsahibəsində buna əminliyini ifadə edib.
"Azərbaycan Prezidenti İlham Əliyev bu məsələ ilə bağlı dəfələrlə münasibətini bildirib. Məsələn, 23 noyabrda Ağdamdakı bir məscidə baş çəkərkən ölkədəki bütün tarixi abidələrin, ərazilərdəki erməni, alban və pravoslav kilsələri və monastırları da daxil olmaqla, dövlət tərəfindən qorunduğunu deyib. 25 Noyabrda Əliyev Kəlbəcər bölgəsinin azad edilməsi münasibətilə xalqa müraciətində xristian abidələrinin Azərbaycan dövlətinin himayəsində olduğu tarixi və mədəni irs olduğu fikrini təkrarladı".
Səfirin sözlərinə görə, bu açıqlamalardan əvvəl İlham Əliyevlə Vladimir Putin arasında 14 Noyabrda telefon danışığı oldu. Azərbaycan Prezidenti, üçtərəfli bəyanata uyğun olaraq Azərbaycana qaytarılmış ərazilərdəki xristian məbədlərinin təhlükəsizliyinə və normal fəaliyyətinə zəmanət verdi", səfir qeyd edib.