Fransada koronavirusun yayılma riskini azaltmaq üçün sakinlərdən ictimai nəqliyyatda səyahət edərkən danışmamaları və mobil telefonlardan istifadə etməmələri istənilib.

Eurasia Diary Oxu.az-a istinadən xəbər verir ki, bu barədə Lenta.ru məlumat paylaşıb.

Məlumata görə, müvafiq tövsiyələr Fransa Tibb Akademiyasının veb saytında yerləşdirilib.

Mətndə qeyd olunur ki, nəqliyyatda tibbi maska ​​taxma tələbi ilə yanaşı, mobil telefon istifadəsi və danışma qadağaları əlavə edilməlidir.

Akademiyanın mütəxəssisləri həmçinin yalnız cərrahi maskalar taxmağa çağıran ölkənin Səhiyyə naziri Olivye Veranın sözləri ilə razılaşmayıblar. Həkimlərin fikrincə, bu çağırışın heç bir elmi əsası yoxdur.