Erməni təxribatlarında başqa oyunçular da var - Türkiyəli ekspert | Eurasia Diary - ednews.net

27 Sentyabr, Bazar ertəsi

Erməni təxribatlarında başqa oyunçular da var - Türkiyəli ekspert

Siyasət A- A A+

“Azərbaycan Ordusu 44 günlük Vətən Müharibəsində Ermənistanı məğlub etdi. İndi isə biz görürük ki, Ermənistan tərəfi yenidən təxribatlara əl atır. Azərbaycan buna qarşılıq verəcək. Təbii ki, işin içərisində başqa məsələlər və oyunçular var. Ona görə də Azərbaycan diqqətli və son dərəcə soyuqqanlı olmalıdır”

Bu sözləri  türkiyəli hərbi ekspert Abdullah Ağar son günlər Ermənistan silahlı qüvvələrinin dövlət sərhədində Azərbaycan ordusuna qarşı törətdiyi təxribatlar barədə danışarkən deyib.

Onun sözlərinə görə, Azərbaycan beynəlxalq hüquqa uyğun olaraq öz haqlarını qoruyur.

Abdullah Ağar, həmçinin qeyd edib ki, Azərbaycan tək deyil, Türkiyə hər zaman olduğu kimi, bundan sonra da Azərbaycanın yanında olacaq.

“Azərbaycanın Türkiyəyə ehtiyacı olarsa, çağırmadan yanında olacağıq. İstənilən düşmənin ən böyük silahı mübarizədən qorxan millət və dövlətdir. Ən böyük qorxusu isə savaşmaqdan, ölməkdən qorxmayan ordu və xalqdır.

Türkiyə bundan sonra Qafqazda qalib olan tərəfin gücünü, iradəsini qarşı tərəfə qəbul etdirmə savaşında olacaq. Yəni Qarabağ torpaqlarını azad etməklə iş bitmir. Bu torpaqları iradə nümayiş etdirərək qorumaq lazımdır”.

Modern.az

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...