Bakı və Moskva İrəvandan öhdəliklərini yerinə yetirməyi istəyəcək - Tofiq Zülfüqarov - ednews.net

18 Yanvar, Çərşənbə axşamı

Bakı və Moskva İrəvandan öhdəliklərini yerinə yetirməyi istəyəcək - Tofiq Zülfüqarov

Siyasət A- A A+

"Ötən il noyabrın 10-da imzalanmış üçtərəfli bəyanatın yerinə yetirilməsi məsələsi Azərbaycan, Ermənistan, Rusiya liderləri arasında bu gün Soçi şəhərində keçiriləcək görüşün əsas gündəmi ola bilər".

Bunu EDNews.net-ə Azərbaycanın sabiq xarici işlər naziri, politoloq Tofiq Zülfüqarov bildirib.

“Azərbaycan ilə Rusiya 10 noyabr razılaşması çərçivəsində Ermənistanın üzərinə götürdüyü öhdəlikləri yerinə yetirməsini tələb edir. Bu, Paşinyanın üzərinə götürdüyü öhdəlikdir. Bu gün hər hansı yeni razılaşma imzalanarsa, elə həmin öhdəliklərin həyata keçirilməsi demək olacaq”, - deyən keçmiş diplomatın fikrincə, Ermənistan Baş naziri böyük ehtimalla sözügedən öhdəlikləri yerinə yetirmək üçün əlavə vaxt istəyəcək.

“Paşinyan bir dəfə üçtərəfli görüş keçirməkdən boyun qaçıraraq ölkə ictimaiyyətinin gərgin vəziyyətdə olduğunu əsas gətirmişdi. Amma gördüyümüz kimi, üstündən iki həftə keçmiş görüş baş tutur”, - o vurğulayıb.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...