Primakovla Qorbaçov Allahşükür Paşazadəni hakimiyyətə gətirmək istəyirdi - Şeyxdən İNANILMAZ AÇIQLAMA - ednews.net

26 May, Cümə axşamı

(+994 50) 229-39-11

Primakovla Qorbaçov Allahşükür Paşazadəni hakimiyyətə gətirmək istəyirdi - Şeyxdən İNANILMAZ AÇIQLAMA

Siyasət A- A A+
SSRİ-nin 1990-cı il 20 yanvarda Azərbaycanda dinc vətəndaşlara qarşı həyata keçirdiyi kütləvi qırğına don geyindirmə cəhdlərindən biri də din faktoru olub.
 
Ednews xəbər verir ki, həmin gecə Bakıda dinc əhali qırğını törətdikdən sonra sovet hakimiyyəti ən çox bir məlumatı insanların beyniyə yeritmək istəyirdilər. Onların yaydıqları məlumatda qeyd olunurdu ki, guya sovet qoşunları o gecə Bakıya daxil olmasaydılar, Azərbaycanda eynilə İrandakı kimi islami inqilab baş tutacaqdı.
 
SSRİ rəhbərliyi hələ 20 yanvar hadisələrindən əvvəl dəfələrlə Azərbaycanda olmuş, müxtəlif din xadimləri ilə görüşlər keçirməklə sanki onların nəbzini yoxlamaq istəyiblər.
 
Bütün Qafqazın Şeyxi Hacı Allahşükür Paşazadə illər əvvəl "ANS" Televiziyasına verdiyi müsahibədə bir faktı dilə gətirib.
 
EDNews Paşazadənin 20 Yanvar hadisələri ilə bağlı ANS-ə verdiyi müsahibədən kiçik bir parçanı təqdim edir:
 
"Yevgeni Primakov şəxsən mənə dedi ki, biz Qorbaçovla məsləhətləşmişik, istəyirik ki, sən dövlətə rəhbərliyi üzərinə götürəsən. Biz Qorbaçovla sənə hər cürə köməkliyi göstərəcəyik. Bakıya da qoşunları göndərməyəcəyik. Mən təbii ki, onlarla razılaşmadım", - deyə, şeyx qeyd edib.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...