“Sarkisyan batan gəmidən qaçdı” - İqor Korotçenko - ednews.net

28 May, Şənbə

(+994 50) 229-39-11

“Sarkisyan batan gəmidən qaçdı” - İqor Korotçenko

Siyasət A- A A+
“Ermənistan prezidenti Armen Sarkisyan istefa verdi və batan gəmidən qaçdı”. Ednews xəbər verir ki, bu fikirləri Telegram kanalında rusiyalı hərbi ekspert İqor Korotçenko yazıb. O, Armen Sarkisyanın bəyanatındakı bu sözləri xatırladıb: “Ermənistan prezidenti ölkə və millət üçün indiki çətin dövrdə daxili və xarici siyasətin fundamental proseslərinə təsir göstərmək üçün lazımi alətlərə malik deyil”. İqor Korotçenko hesab edir ki, Paşinyan Robert Köçəryan və Serj Sarkisyanın əvvəllər prezidentlikləri zamanı malik olduqları səlahiyyətlərlə Ermənistanın prezidenti olmaq ideyasını çoxdan bəyənib: “Baş nazir postu isə sövdələşmə obyektinə çevriləcək, onun sahibi maliyyə-iqtisadi sahədə uğursuzluqlara görə həmişə istefaya göndərilə bilər”.  Hərbi ekspert “Görək bu plan həyata keçəcəkmi?” sualına özü cavab verib: “Bu, Ermənistanın Konstitusiyasına və qanunvericiliyinə yenidən baxılmasını tələb edəcək. Eyni zamanda, qonşulara ərazi iddialarından əl çəkmək və Qarabağın Azərbaycan olduğunu hüquqi cəhətdən tanımaq mümkün olacaq”.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...