“Paşinyan hökuməti rusiyapərəst ermənilərdən təmizləyir” - Ölkədə kütləvi istefalar NƏ VƏD EDİR? - ednews.net

21 May, Şənbə

(+994 50) 229-39-11

“Paşinyan hökuməti rusiyapərəst ermənilərdən təmizləyir” - Ölkədə kütləvi istefalar NƏ VƏD EDİR?

Siyasət A- A A+

Qarabağ klanının nümayəndələrinə yaxın bir insan kimi tanınan Ermənistan Prezidenti Armen Sarkisyanın istefasından sonra ölkədə siyasi kurs da dəyişməyə doğru gedir.

Hazırda Paşinyan hökumətində yer alan, lakin başqa qüvvələrə çalışan vəzifə sahibləri də bir-bir postlarını tərk etməyə başlayıb. Bu missiyanı icra edənlər isə kimi öz razılığı ilə, kimi də məcburən bu yola gedir.

Elə bu yaxınlarda İrəvanın vitse-meri Qayane Melkomyan da öz istefasının səbəbini hökumətin islahat və proqramının yararsız olması ilə əlaqələndirib.

Görünən odur ki, Paşinyanın regionda hazırki vəziyyətlə bağlı müsbət açıqlamaları və Azərbaycanla sülh müqaviləsinin imzalamağın vacibliyini vurğulaması Qarabağ klanının revanşist qüvvələrinin işinə yaramır və elə bu səbəblə də Ermənistanı istefalar dalğası bürüyüb.

Siyasi şərhçi Cümşüd Nuriyev məsələ ilə bağlı mövqeyini EDNews üçün şərh edib.

Cümşüd Nuriyev: “Ölkədə nə qədər səviyyəsiz artist var, hamısı ora yığılıb“

O, açıqlamasında qeyd edib ki, Paşinyan hökuməti həm Qərb, həm də Rusiyadan gələn təzyiqlər ilə üzləşib.

“Fikir verirsinizsə, Nikol Paşinyanın Azərbaycanın ərazi bütövlüyünü tanıması gündəmə gələndən sonra ölkədə güclü istefalar dalğası başladı. Halbuki, Ermənistan 1992-ci ildə BMT-yə üzv olduqdan sonra Azərbaycanın ərazi bütövlüyünü və suverenliyini rəsmən tanıyıb. Lakin Yerevan otuz il ərzində buna susqunluq nümayiş etdirib. Onsuzda Paşinyan Ermənistanın sabiq Prezidenti Armen Sarkisyan ilə bir çox məsələlərdə toqquşurdu. Hər iki rəhbər şəxs arasında münasibətlər gərgin idi”.

Cümşüd Nuriyev istefalar dalğasının digər səbəbini ölkədə mövcud olan Rusiyanın təsiri ilə bağlayıb;

“İstefa verənlər Paşinyan ətrafında olan ikinci və ya üçüncü dərəcəli şəxslərdir. Paşinyana daha yaxın olan şəxslərin hələ ki, istefa vermələri görünmür. Paşinyan ölkədə Rusiyanın addımlarının qarşısının alınması üçün dövləti bir sıra adamlardan təmizləməyə çalışır. Onu da qeyd edim ki, Paşinyan nə qədər siyasətçi olmasada, onun ətrafında siyasəti dərindən bilən strateqlər var. Bu strateqlər Paşinyana hansı addımların atılmasının zəruri olduğunu başa salırlar. Paşinyan da həmin addımları atır. Nəticədə hökumətdə Rusiyaya və revanşist qüvvələrə yaxın olan adamlar öz zəfliklərini anlayaraq istefa verirlər”.

Politoloq hələ bir müddət Ermənistanda istefalar dalğasının davam edəcəyini də vurğulayəb.

“Ermənistanda hazırda revanşizm çox yüksək səviyyədədir. 44 günlük müharibədə Azərbaycan ordusu erməni millətçilərinin yüz illik mifini puça çıxardı. Ona görə də erməni millətçiləri bu məğlubiyyətdə Paşinyanı günahlandırırlar. Ermənistanda istefalar dalğası davam edəcəyini hesab edirəm”.

Yunis Abdullayev

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...