İsrayıl höküməti son üç illik tarixində qeyri-adi bir təşəbbüsə addım atıb. Üstündən az müddət keçməsinə baxmayaraq, Yair Lapid və partiya tərəfdarı Naftali Bennetin yeni qurduğu koalisiya hökuməti parlamentdə artıq beşinci dəfə erkən seçki keçirməyə qərar verib. 

 

Bundan əlavə Baş nazir Naftali Bennett ideoloji cəhətdən 8 fərqli partiyanı ləğv edəcəyini elan edib. O, bildirib ki, onun təmsil etdiyi “Yamina” partiyasında müəyyən çatışmazlıqlar var və “Knesset” adlanan İsrail parlamentində son dərəcə azlıq təşkil edir. 

 

Bir çox ekspertlər isə İsrail hökumətinin son üç il ərzində 5-ci dəfə erkən parlament seçkilərinə getməsini ölkənin taleyi üçün fəlakət adlandırıb. Ednews-a açıqlama verən israillı jurnalist Raşel Avraham qeyd edib ki, bu seçkilər sadəcə yerdəyişmə xarakteri daşıyır. 

 

“Bilirsiniz son seçkilərin nəticələrindən indiyədək Naftali Bennett sadəcə müvəqqəti olaraq öz postunu idarə edir. Təxminən ya 25 oktyabr, ya da 1 noyabr tarixlərində planlaşdırılan erkən seçkilər Yair Lapidin nazir seçiləcəyini öncədən proqnozlaşdırır. Beləliklə, yeni seçkilərədək hökumət sol istiqamət üzrə hərəkət edəcək”. 

 

Siyasi ekspert həmçinin hökumətin hazırki fəaliyyətindən də söz açıb. O, hazırki hökuməti fəaliyyətsiz adlandırıb.  

 

“Hazırda hökumət fəaliyyət göstərmir. “Meretz” və ərəb partiyası olan “Raam” son dərəcə sağçı olan “Gideon Sa'ar”, Naftali Bennett və Aviqdor Liberman ilə eyni masada oturub. Ölkədə Covid 19 böhranı olarkən hər kəs bir partiya ətrafında yumruq kimi birləşdi. Lakin pandemiyadan sonra hər kəs öz problemi ilə maraqlanmağa başladı və hökumət özünü iflic vəziyyətə salaraq fəaliyyətini itirdi. Bu səbəbdən İsrail xalqının funksional bir hökumətə ehtiyacı var,” – deyə, Raşel Avraham belə vurğulayıb. 

 

O, qərb ekspertlərinin İsrail hökumətinin ardıcıl seçkilər nəticəsində uçuruma doğru yönələcəyi fikrinə belə aydınlıq gətirib:

 

 “İsraildə ardıcıl seçkilərin keçirilməsinin əsas səbəbi daxildə partilar arasında olan eqo və qürurdur. Gideon Sa'ar partiya lideri olmaq istəyirdi və Netanyahu onun Likudda bunu iddia etməsinə icazə vermədi, buna görə də öz partiyasını yaratdı. Bennett baş nazir olmaq istəyirdi, lakin Netanyahu ilə yalnız beş mandatla bacara bilmədi, ona görə də Yamina seçicilərinin müdafiə etdiyi hər şeyə qarşı olan solçularla birləşməli oldu. Əlbəttə ki, Liberman sağ qanaddır, lakin o, bir çox başqa məsələlərdə onunla həmfikir olan digər sağ partiyaları dəstəkləmək yerinə, “Haredi” partiyalarına qarşı düşmənçilik meyillərini büruzə verdi. Bu səbəbdən də İsraildə əsl idarəedici koalisiyanın yaranmasına zəruri ehtiyac var”.

 

Ekspert həmçinin koalisiya partiyaların zəifləməsindən istifadə edən sabiq baş nazir yeni seçkilərdə Benyamin Netanyahunun yenidən qələbə qazanmaq şansının olduğunu da vurğulayıb. 

 

“Məncə Netanyahunun bu dəfəki seçkilərdə qalib olmaq üçün çox böyük şansı var. Çünki hazırda Yeni Ümid və Yamina partiya tərəfdarları liderlər tərəfindən xəyanətə məruz qaldığını hiss edirlər. Onlar partiyalarının Raam və Meretzlə birlikdə hökumətin deyil, Netanyahu hökumətinin bir hissəsi olmasını istəyirlər. Beləliklə, hazırda seçicilər Likuda səs verərək Netanyahunun geri qayıtmasına dəstək ola bilərlər”.

 

 

Elnur Ənvəroğlu

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary