Ermənistan rəsmisi Zəngəzurla bağlı razılığı şərh etməkdən imtina etdi - ednews.net

16 Avqust, Çərşənbə axşamı

(+994 50) 229-39-11

Ermənistan rəsmisi Zəngəzurla bağlı razılığı şərh etməkdən imtina etdi

Siyasət A- A A+
Ermənistan baş nazirinin müavini Mqer Qriqoryanın ofisi “Sputnik Ermənistan”ın sorğusuna cavab olaraq bildirib ki, “İzvestiya” qəzetinin Zəngəzurdan keçən yolun marşrutu ilə bağlı Azərbaycanla razılaşması barədə xəbərini şərh etmir.
 
Ednews xəbər verir ki, bir müddət əvvəl “İzvestiya” qəzeti yüksək rütbəli məlumatlı mənbəyə istinadən “Rusiya Ermənistan və Azərbaycana Zəngəzur dəhlizində avtomobil yolu ilə bağlı razılığa gəlməyə kömək edib, razılaşdırılmalı olan yolun yalnız 6 km-lik hissəsi qalıb” yazıb. 
 
Qeyd edək ki, marşrutun qalan 40 km-i İranla sərhəd boyu köhnə sovet yoludır.
 
“Biz adı açıqlanmayan mənbələrin verdiyi məlumatlara münasibət bildirməyi düzgün hesab etmirik”, - ofisdən bildirilib.
 
İyunun 28-də Ermənistan baş nazirinin müavini Mqer Qriqoryan bəyan edib ki, Ermənistan, Azərbaycan və Rusiya baş nazirlərinin müavinlərinin iştirakı ilə regional kommunikasiyaların blokadadan çıxarılması üzrə işçi qrupu bir çox məsələlərdə İrəvan və Bakının mövqelərini, xüsusilə sərhəd və gömrük nəzarəti məsələlərində yaxınlaşdıra bilib.
 
Xatırladaq ki, iyunun 4-də üçtərəfli işçi qrupunun Moskvada  növbəti iclası keçirilib. Tərəflər sərhəd, gömrük və digər nəzarət növləri, habelə avtomobil və dəmir yollarında vətəndaşların, nəqliyyat vasitələrinin və yüklərin Ermənistan və Azərbaycan ərazilərindən təhlükəsiz keçməsi məsələlərini müzakirə edib və mövqelərini yaxınlaşdırıblar.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...