İlqar Məmmədovun müraciətinə partiya sədrlərindən REAKSİYA - “400 min seçicinin parlamentdə təmsilçisi yoxdur” - ednews.net

16 Avqust, Çərşənbə axşamı

(+994 50) 229-39-11

İlqar Məmmədovun müraciətinə partiya sədrlərindən REAKSİYA - “400 min seçicinin parlamentdə təmsilçisi yoxdur”

Siyasət A- A A+
“Milli Məclisdə boş qalan yerlərə yenidən seçkilər keçirilməlidir”. 
 
Bu sözləri Ağ Partiyanın sədri Tural Abbaslı  bildirib. Parlamentdə heç bir təmsilçisi olmayan partiya rəhbəri bu barədə Ednews-a danışarkən deyib ki, Milli Məclisin boş qalan 7 dairəsində seçkilərin keçirilməsi zəruridir. Partiya liderinin sözlərinə görə, tezliklə seçkilərin keçirilməsi məsələsinə yenidən baxılmalıdır. 
 
“Azərbaycan konstitusiyasına görə, Milli Məclisda 125 mandat var. Amma hazırda parlamentdə 118 deputat təmsil olunur. Bir sıra səbəblər üzündən 7 seçki dairəsinin seçicilərini Milli Məclisdə təmsil edən yoxdur. Bu isə hardasa 400 min civarında seçici deməkdir. Qanunvericlik aktları və qanunlar tələb edir ki, həmin seçicilər öz təmsilçilərini seçməli və öz fikirləri ifadə etməlidirlər. Təəssüf ki, boş qalan seçki dairələrində seçkilərin keçirilməsi ilə bağlı qərar verilmir”.  
 
T.Abbaslı qeyd edib ki, seçkilər keçirildiyi təqdirdə onun partiyası orada iştirak etməkdə qərarlı olacaq. 
 
“Siyasi partiyaların yaranmasının əsas məqsədi hakimiyyətə gəlməkdir. Hakimiyyətə gəlmək üçün isə mütləq seçkilərdə iştirak etməlisən. Seçkilərdən kənar partiyaların hakimiyyətə gəlmək imkanları yoxdur. Ağ partiya olaraq maraqlarımıza uyğun bütün seçkilərdə iştirak etmək niyyətindəyik. Partiyamız hər zaman istər sosial mediada, istərsə görüşlərdə boş qalan seçki dairələrinə seçkilərin keçirilməsinin vacibliyini vurğulayıb”. 
 
Müsavat partiyasının sədri Arif Hacılı məsələyə fərqli münasibət bildirərək, bütün dairələrində yenidən seçkilərin keçirilməsini, islahatların aparılmasını və demokratik qaydaların tətbiq edilməsini təklif edib.
 
Milli Dirçəliş Partiyasının sədri Fərəc Quliyevin bildirib ki, Xətai rayonunda iki seçki dairəsinin parlamentdə təmsilçisi yoxdur.
 
“Həmin dairələrdə qeydiyyatda olan vətəndaşların maraqlarını təmsil edən və onların problemlərini dinləyən millət vəkilinə ehtiyac var. Buna görə də parlamentin boş qalan yerlərinə mütləq seçkilər keçirilməlidir .  O ki, qaldı parlamentin yenidən formalaşmasına, partiyamız bu məsələ ilə bağlı təkliflərini konfranslarda və mətbuatda səsləndirib. Azərbaycanda siyasi rəqabətin doğru-dürüst olması üçün parlament seçkilərin proposional və majoritar seçki sistemi çərçivəsində keçirilməsi daha məqbul olardı”. 
 
Fərəc Quliyev partiyasının bütün seçkilərdə iştirak etmək marağında olduğunu bildirib. 
 
“Əgər Milli Məclisin boş qalan yerlərinə seçkilər keçirilərsə, biz həmin seçkilərdə iştirak edəcəyik. Həmin seçkilərdə nəyə nail olacağımız yalnız seçicilərin iradəsindən aslıdır. Güclü olduğumuz təqdirdə qalib gələcəyik, yox əgər rəqibiz güclüdürsə, o, qalib gələcək. Əsas odur ki, həmin dairələrdə seçkilər keçirilsin”. 
 
Azərbaycan Sosial Demokrat Partiyasının sədri Araz Əlizadə də boş qalan dairələrdə seçkilərin keçirilməsinin lazım olduğunu bildirib. Onun sözlərinə görə, partiyası həmin dairələrdə namizədlərini irəli sürməyə hazırdır. 
 
Qeyd edək ki, Respublikaçı Alternativ Partiyasının sədri İlqar Vəlizadə Prezident İlham Əliyevə müraciət edərək parlamentin boş qalan yerlərinə yenidən seçkilərin keçirilməsini təklif edib.
 
Yunis Abdullayev

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...