“Boş qalan yerlərə Parlament seçkilərin keçirilməməsi, faktiki olarq bir milyona yaxın insan hüququnun deputat tərəfindən müdafiə olunmasına əngəl yaradır”. 

Bu sözləri Azərbaycanda siyasi fəaliyyət göstərən “Ağ Partyiya”nın sədri Tural Abbaslı Ednews-a açıqlamasında belə deyib.

Partiya rəhbəri boş qalan yerlərə Parlament seçkilərini  keçirilməməsinin həm hüquqi, həm də siyasi  səbəblərini vurğulayıb. O, seçkilərin keçirilməməsinin əsas səbəblərindən birini göstərərək qanunvericilikdə böşluqların olduğunu deyib.

“Fikrimcə bu qanunvericilikdə mövcud olan müəyyən boşluqlarla bağlıdır. Çünki istər seçki məcəlləsində, istərsə də konstitusiyada ləğv olunmuş dairələrə seçkilərin nə zaman keçirilə biləcəyini göstərəcək bir maddə yoxdu. Bunula bağlı mövcud qanunvericiliyə dəyişiklik edilməlidir və bu problem aradan qaldırılmalıdır,” deyə, T.Abbaslı belə vurğulayıb. 

“İkinci səbəbə gəlincə deyə bilərəm ki, hazırda Azərbaycanda yenidən Parlament seçkilərin keçirilməsi bir qədər sual doğuran məsələdir. Çüni müxalif seçki dairələrində seçkilərin nəticələrindən narazıçılığını bildirən namizədlər arasında dialoqun davam etdirilməsi bir sıra problemlər yarada bilər. Məhz elə buna görədə seçkilər keçirilmir”. 

Tural Abbaslı  həmçinin Parlament seçkilərini proporsional seçki sistemi əsasında keçirilməsinin vacibliyini vurğulayıb:

“Parlament seçkilərinin proporsional seçki sistemi əsasında keçirilməsi çox önəmlidi, çünki bu ilk növbədə Parlamentdə daha təcrübəli və peşəkar siyasətçinin seçilməsinə imkan yaradır. Bundan əlavə, proporsional seçki sistemində namizəd əsasən partiya tərəfindən irəli sürülür və eyni zamanda partiya sisteminin daha da təkminləşdirilməsi üçün əlverişli şərait yaradır. Həmçinin, bu seçki sisteminin spesifik cəhəti ondan ibarətdir ki, partiyalar parlamentdə yer almaq üçün daha səmərəli işlər görməyə üstünlük verir”.

Xaliq Quliyev