Bu gün Müstəqil Dövlətlər Birliyi (MDB), Kollektiv Təhlükəsizlik Müqaviləsi Təşkilatı (KTMT) və Şanxay Əməkdaşlıq Təşkilatının (ŞƏT) icra orqanlarının rəhbərlərinin Moskavada birgə görüşü keçiriləcək.
Onların təşkilatların qarşılıqlı fəaliyyətini və Avrasiya məkanında təhlükəsizlik məsələlərini müzakirə edəcəkləri bildirilir.
Bu müzakirələrdə Azərbaycan-Ermənistan məsələsinin sülh yolu da müzakirə ediləcəkmi? Azərbaycan üçün bu görüşün əhəmiyyəti nə dərəcədə önəmlidir?
Ednews bu barədə siyasi partiya rəhbərlərinin münasibətini öyrənib.
Sabiq baş nazir, Azərbaycan Xalq Partiyasının sədri Pənah Hüseyn məsələyə qısa fikir bildirərək deyib ki, görüşün keçirilməsi onu təəccübləndirib.
“Keçirləcək görüş mənim üçün fərqli gəldi. Çünki fərqli təşkilatların görüşü olacaq. Həm də bu təşkilatlar funkisyalarına görə də bir-birlərindən fərqlənirlər. Nəticəsi olacaqsa maraqlı görüşün keçəcəyi gözlənilir. Güman etmirəm ki, bu görüşdə hansısa ciddi qərarlar qəbul olunar. İzləyək, görək nə olacaq. Bu görüşdə Azərbaycan üçün yaxşı məsələlərin olacağını güman etmirəm. Hər halda gözləyək”.
AĞ Partiyanın sədri Tural Abbaslı qeyd etdi ki, belə görüşlərin Azərbaycan üçün əhəmiyyəti önəmlidir.
“Çünki bir tədbirdəki Rusiya, Ermənistan iştirak edirsə burada Azərbaycanın müzairkəsinin olacağı labüddür. Rusiya və Ermənistanın bir araya gəldiyi elə bir tədbir yoxdu ki, orada Azərbaycan-Ermənistan münasibətləri müzakirə olunmasın və Qarabağ məsələsi müxtəlif aspektlərdən analiz olunmasın. Bu müzakirənin keçirilməsinin Azərbaycanın maraqlarına daha yaxındır. Adətən KTMT-də Rusiya və Ermənistanın müazkirələri olur.
T.Abbaslının sözlərinə görə görüşdə Azərbaycan-Ermənistan arasında sülh məsələsi də danışalacaq:
“Burada Şanxay Əməkdaşlıq Təşkilatının söhbəti gedirsə, Zəngəzur dəhlizinin önəmi artır və bu məsələdə Azərbaycan maraqlı tərəfdir. Təmsil olunan ölkələrin nümayəndələri bu məsələdə Azərbaycanın mövqeyindən çıxış etmələri mümkündür. Çünki, Azərbaycanın mövqeyi onların öz mövqeyidir. Yəni, öz maraqlarına uyğundur. Eyni zamanda Turan ideyasının möhkəmlənməsi də artıq türk dövlətlərinin - istər, Qazaxıstan, istər Qırğızıstan, istərsə də digər türk dövlətlərinin Azərbaycana münasibəti müsbət mənada dəyişib”.
Partiya rəhbəri sonda qeyd edib ki, görüşdə xüsusi, yekun qərarların, habelə müqavilə layihələrinin razılıqları barəsində nələrsə gözləmir.
“Bu görüşdə Azərbaycan-Ermənistan arasında sülh məsələsi barəsində də ciddi qərarlar gözləmirəm, bu, inandırıcı deyil. Belə razılşamalar adətən 3 tərəfli görüşlərdə daha effektiv olur. Sadəcə bu görüşdə regionun analizi, təhlili müzakirə olunacaq”.
Qeyd edək ki, keçirilməsi nəzərdə tutulan 10-cu qeyri-rəsmi görüşdə KTMT-nin Baş katibi Stanislav Zas, MDB İcraiyyə Komitəsinin sədri Sergey Lebedev və ŞƏT Baş katibi Çjan Min iştirak edəcək.
Oğuz Ayvaz