Son zamanlar Naxçıvan Muxtar Respublikasında davam edən əməliyyatlar, bu regionun Muxtar Respublika statusunun ləğv olunması haqqında söz-söhbətlərin yayılmasına səbəb olub. Səslənən iddialar nə dəqərəcədə doğruluğu isə hələ ki, məlum deyil

Ümumiyyətlə, belə bir hal yaşansa, bu necə həyata keçə bilər? Zəngəzur dəhlizinin açılması burada hər hansı bir rol oynayacaqmı?

Ednews məsələ ilə bağlı Azərbaycan Demokrat Partiyasının (ADP) sədri Sərdar Cəlaloğlunun fikirlərini öyrənib. O, qeyd edib ki, Naxçıvanda baş verən hadisələrin Naxçıvanın Muxtar statusu ilə bağlı heç bir əlaqəsi yoxdur.

“Əvvəla Naxçıvanın Muxtar Respubla kimi ləğv edilməsi üçün mütləq referendum keçirilməlidir. Azərbaycan konstitusiyasından Naxçıxan Muxtar Respublikasının statusu ilə bağlı məsələ referenduruma çıxarılmaldır. Burada həmçinin, Türkiyənin də razılığı alınmalıdır. Naxçıvan camaatı üçün onun Muxtar Respublikasının heç bir əhəmiyyəti yoxdur. Əhalini qətiyyən bu status maraqlandırmır. Bu status əksinə, Naxçıvan vətəndaşlarını Azərbaycanın digər rayonlarında yaşayan vətəndaşlarına ikiqat tabeçiliyə məruz qoyur. Naxçıvan camaatının ikiqat istismarına gətirib çıxardır. Onlar Azərbaycan hökumətinin verdiyi imkanlardan qətiyyən bəhrələnə bilmir. Çünki Naxçıvan hakimiyyəti bir qrup qohum və tayfa tərəfindən zəbt edilib. Dövlətin xalqa yönəliş siyasətinin qarşısını alır”.

Partiya sədri söhbət əsnasında vurğuladı ki, son vaxtlar Naxçıvanda ayrı-ayrı korrupsioner məmurların tutulmasının statusla əlaqələndirilməsi tamamilə düşüncəsiz məsələdir.

“Digər tərəfdən bu məsələnin Zəngəzur dəhlizinin açılması ilə bağlı da əlaqəsi yoxdur. Çünki Zəngəzur dəhlizinin açılması qarşısında Naxçıvan nə bir maneədir, nə də bir problem. Zatən bu beynəlxalq proyektdir. Buradan Avropanın, Asiyanın yükləri daşınacaq. Ona görə də mənə elə gəlir ki, Naxçıvanda  baş verən bu anti-korrupsiyaya qarşı mübarizənin və Naxçıvanın Azərbaycan idarəçiliyindən kənara çıxma cəhdlərinin qarşısının alınmasını 2-ci, 3-cü dərəcli məsələlərlə, xüsusən qlobal məsələlərlə  əlaqələndirilməsi yanlışdır”.

Oğuz Ayvaz 

• Tag:
• Sərdar Cəlaloğlu
• Naxçıvan