Cəzasızlıq məmur özbaşınalığına şərait yaradır - Tural Abbaslı həbs olunan vəzifəli şəxslərdən - DANIŞDI - ednews.net

27 Yanvar, Cümə

(+994 50) 229-39-11

Cəzasızlıq məmur özbaşınalığına şərait yaradır - Tural Abbaslı həbs olunan vəzifəli şəxslərdən - DANIŞDI

Siyasət A- A A+
Artıq neçə illərdir ölkədə məmur həbsləri davam edir. Böyük mənimsənilən dövlət büdcəsi ortaya çıxır. Buna  baxmayaraq, bəzi məmurlar digərlərindən hələ də ibrət götürə bilmir və nəticədə özləri də ifşa olunaraq həbs olunur. Buna əsas səbəb nədir? Nədir bu məmur arxayınlığı və qorxusuzluğu?  
 
Məsələ ilə bağlı Ednews-a danışan Ağ Partiya sədri Tural Abbaslı bildirib ki, buna əsas səbəb məmurun hərəkətlərinin cəzasız qalmasına inanmasıdır. Onun sözlərinə görə, cəzasız qalan hər bir günah, insanda beləarxayınlıq yaradır. 
 
“Bu qorxusuzluğun səbəbi cəzasızlıqdır. Cəzasızlıq sistemi yaranırsa burada sui-istifadə yolları da artır”.  
 
Söhbət əsnasında partiya başkanı son zamanlar Naxçıvan Muxtar Respublikası ətrafında baş verən proseslərdən də danışıb. 
 
“Məsələn Naxçıvanın Maliyyə Naziri 143 milyon manat pul mənimsəyib. Məlumata görə, ona günahı sübut olunarsa 10 il həbs cəzası veriləcək. Keçən il həbs olunan Naxçıvanın Daxili İşlər Naziri  Əhməd Əhmədova  11 il həbs cəzası verilmişdi. Bu gün amma o azadlıqdadır.Belə olduqda bu maliyyə naziri nədən qorxsun ki? Düşünürlər ki, 11 il cəza verilər 1 il sonra xəstəlik adı ilə çıxaram. Qorxusuzluq arxayınlıq buradan gəlir.  Bu sistemdəki cəzasızlıq məhkəmə sistemindəki güvənsizliyi buna şərait yaradır”.
  
Tural Abbaslı deyir ki, hməmurlar həbs olunmağa avtoqəza kimi baxırlar. 
 
“Minlərlə sürücü var heç  qəza olacaq deyə avtomobildən imtina edərlər? Fikirləri də bu olur ki, qəzadır da olanda olacaq. Məgər, bu məmurların hamısı həbs olunur ki?  Yüzlərlə məmur büdcəni talayıb”.   
Sədr həmçinin qeyd edib ki, həmin şəxslərin  tarixçəsinə baxanda  onların 15 il adıçəkilən dövlət qurumlarında çalışmaları məlum olub. Onun sözlərinə görə, bu illər ərzində onlar rahatlıqla büdcəni talayıblar. 
“Bu boşluqlardan irəli gəlir. Vilyam Hacıyevin milyonlarla avroları üzə çıxandan sonra hələ də bu proses davam edirsə demək ki, burada qanunlarda  boşluqlar var. 
 Bu 3 rəqəmli olan ədəd uzaqdan çox asan görünür. Amma 143 milyondan bəhs edirik . 143 milyon nə qədər ailənin ehtiyac pulu, neçə tələbənin təhsil haqqıdır. Qaçırılan imkanlar... Qulaqlarımız o qədər alışıqdır ki, adi bir  müəssisəsinin  işçisindən 2 milyon manat tutulanda təbii ki, nazirdən 100 milyon tutulacaq”.  
 
Ayan Rayeva


Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...