Azərbaycanda dövlət qeydiyyatına alınan 60 yaxın siyasi partiya var. Kiçik bir ölkə üçün bu qədər partiyanın olması bəlkə də müsbət hal kimi görünə bilər. Lakin bu siyasi qurumların arasında  elə partiyalar var ki, ictimaiyyətdə nəinki adi vətəndaşlar, hətta jurnalistlər və siyasi araşdırmaçılar tərəfindən tanınmır. Bəs yaxşı, Azərbaycanda siyasi partiyalara son 1 ayda nə qədər üzlvük müraciəti olunub?

Ednews bununla bağlı partiyalar arasında sorğu keçirib. Sorğunun nəticələrini təqdim edirik.

Müasir Müsavat partiyasının rəhbəri Hafiz Hacıyev:

 “Son bir ayda 63 nəfər üzvlük üçün müraciət edib. Onlardan 39 nəfərinə artıq partiya bileti vermişik. Qalanlarına da tezliklə üzvlük veriləcək. Partiyaya axın çoxdur. Bizim 83 min üzvümüz var”.

Azərbaycan Xalq Partiyasının rəhbəri Pənah Hüseyn:

“Bu barədə məlumat vermirik. Partiyanın belə bir öhdəliyi yoxdur. Daxili məsələdir. Ona görə də bir qayda olaraq bu mövzuda informasiya vermirik. Qeyri-rəsmi olaraq desəm, son ayda partiyamıza üzv qəbul olunmayıb.

Azad Vətən Partiyasının sədri Akif Nağı:

“Müraciət edən çoxdu. Əsas da QAT üzvləri müraciət edir. Bakıda təxminən 300 nəfər, bölgələrlə bağlı məlumatları toplamamışıq”.

Vətəndaş Həmrəyliyi Partiyası sədrinin müavini Samir Əsədli:

“Siyahıda olan üzvlərimizin anket məlumatlarını yeniləyirik. Son 1 ayda 2 minə yaxın vətəndaş partiya sıralarına qəbul olunub”.

Azərbaycan Demokratik İslahatlar Partiyasının sədri Asim Mollazadə:

“Sorğularda iştirak etmirəm. Bu barədə heç nə deyə bilməyəcəm”.

Oğuz Ayvaz

• Tag:
• partiya
• siyasət
• Azərbaycan