“Aksiya başlayan zaman Ekologiya sahəsi üzrə ixtisaslaşan Qeyri-Hökümət təşkilatlarının çox haqlı etirazları var idi. Bu etirazlar Rusiyanın sülhməramlı kontingentinin nəzarəti altında olan ərazilərdə bizim qızıl və mis mədənlərində amansızcasına talançılıq həyata keçirməsi ilə bağlıdır. Bu barədə də Azərbaycan ekoloqlarının çox dəqiq məlumatı var. Amma məsələni öyrənməkdən ötrü həmin ərazilərdə monitorinq missiyası təşkil olunmalıdır”.
Bu sözləri Qeyri-Hökümət Təşkilatının Dövlət dəstəyi Agentliyinin müşavirə şurasının üzvü Azər Allahverənov Ednews-a açıqlamasında bildirib.
“Bu missiyanın təşkil olunmasında Rusiyanın sülhməramlı kontingentləri öz səlahiyyatlarından irəli gələrək xüsusilə də humanitar məsələlərin həll olunmasında Azərbaycana böyük dəstək göstərməlidir. İlkin mərhələdə buna razılıq verilsə də sonradan həmin ərazilərə çatdırılıan zaman Rusiya sülhməramlıları faəliyyətsiz qaldılar. Xankəndindən olan erməni əhalisi xüsusilə də aqressiv əhval-ruhiyədə olan insanlar bizim monitorinq missiyasına nəzarətçi kimi gətirildi. Məlum məsələdir ki, Rusiyanın sülhməramlı kontingenti bu kimi halların qarşısını almalı idi. Rusiya Sülhməramlılıarının əsas vəzifələrindən biri humanitar missiyanın həyata keçirilməsi üçün zəruri dəstəyin göstərilməsi ilə bağlıdır. Aksiyaçıların əsas etirazı bu missiyaların yerinə yetirilməsi üçün şəraitin yaradılması idi. Narazılıq ondan ibarətdir ki, beş gündür davam edən aksiyayalara hər hansı bir formada reaksiya bildirilmir. Sülhməramlıların sütun şəklində durub Azərbaycanın himnini dinləyirlər. Amma rəhbərlik adiyyatı qurumun nümayəndələri ilə danışıqlara başlamır”.
Azər Allahverənov bildirib ki, askiya etirazçılar məqsədlərinə çatana qədər davam edəcək.
“Suallarımıza cavab verilməsi bizim monitorinq qrupunun həmin ərazilərə aparılması üçün şəraitin yaradılmasıdır. Bu gün minlərlə insan aksiyaya qoşulmaq üçün əraziyə gəlirlər. Onların Rusiyadan tək bir tələbi var ki, 2020-ci il 10 noyabrında imzalanan bəyanatın həyata keçirilməsi üçün rəylər göstərilsin. Gec ya tez Rusiyanın siyasi dairələri Volkovla bağlı olan bu məsələyə aydınlıq gətirəcəklər. Bununla bağlı hələ bir siyasi qərar yoxdur”.
O, bu missiyanın yerinə yetirilməməsini həmçinin qarşı tərəfin Qarabağda olan talançılığı ört-basdır etmək istədikləri ilə əlaəqəndirib.
“Bu qanunsuz fəaliyyətlərini davam etdirmək üçün vaxt qazanmaq istəyirlər. Amma etirazlar səngimir. Biz hər gün bu aksiyada iştirak edənlərin sayının artdığının şahidi oluruq.
Əraziyə giriş müəyyən inzibati prosedurlar tələb edir. Amma buna baxmayaraq minlərlə insan bura gəlmək üçün öz istəklərini ifadə edirlər”.
Ayan Rzayeva