Xəbər verdiyimiz kimi, Ağdərədəki mədənlərdə qanunsuz olaraq çalışan “Base Metals” şirkətinin rəhbərliyi birgə ekspertiza başa çatana qədər istismar etdiyi mədənin fəaliyyətinin müvəqqəti dayandırılması barədə qərar qəbul edib. Qeyd olunur ki, şirkət rəhbərliyi ilə birlikdə ekspertiza başa çatana qədər işlədilən mədənin fəaliyyətinin müvəqqəti dayandırılmasını bildirib.
Məsələ ilə bağlı Ednews-a danışan siyasi analitik Əlimusa İbrahimov qeyd edib ki, əslinə mədənlər fəaliyyətlərini bir müddətdir dayandırıblar, sadəcə bu barədə elan edilməmişdi.
“Beləliklə də ermənilər məğlub olduqlarını boyunlarına almalı idilər. Nəhayət özlərində qüc tapıb bunu etdilər. Amma dünən yayılan nekroloqun mətni üzərində çoxdan işləyirdilər. Necə etsinlər ki, məğlubiyyətləri ciddi nəzərə çarpmasın. Belə nekroloqları davamlı olaraq ermənilərdən hələ çox eşidəcəyik. Ruben Vardanyan və onun komandasının Xankəndini də "müvəqqəti" tərk edəcəyi gün də uzaqda deyil. Bu arada ekologiya monitorinq qrupu və QHT fəallarına Azərbaycanın müxtəlif rayonlarından yeni qüvvələr qoşulub. Orada yeni ili qarşılamaq üçün “yolka” da qurulub. Dünya Azərbaycanlılarının həmrəylik gününü və 2023-cü ili bu dəfə Şuşa və Laçında keçirəcəyik".
Qeyd edək ki, 2002-ci ildən Qarabağda qanunsuz istismarla məşğul olan şirkət Avstraliyanın “International Base Metals Limited” şirkətinin törəmə müəssisəsidir və həmin ölkədə yaşayan erməni iş adamı tərəfindən qurulub.
Oğuz Ayvaz