Böyük Britaniya xarici işlər nazirinin Avropa üzrə müavini Leo Doçerti yaxın aylarda Azərbaycana səfər edəcək.
Ednews xəbər verir ki, o, bunu bu gün parlamentin İcmalar Palatasının iclasında ermənipərəst deputatların Xankəndi-Laçın yolunda vəziyyətlə bağlı təxribat xarakterli suallarını cavablandırarkən deyib.
O, Azərbaycan və Ermənistan arasında sülh prosesi haqqında da danışıb:
“Biz danışıqlara qayıtmaqda və sülh yolu ilə nizamlanmada israr edirik. Yaxın aylarda mən bölgəyə gedəcəyəm və bu barədə danışacağam... Biz regiondan kənarda sabitliyi pozan təsirlərin qarşısını almaq üçün əlimizdə olan bütün vasitələrdən istifadə edəcəyik”.
