İran Müdafiə Nazirliyinin İsfahandakı obyektinə hücumla bağlı ilkin araşdırma göstərib ki, hücuma görə məsuliyyəti İsrail daşıyır.
Ednews ISNA agentliyinə istinadla xəbər verir ki, bu iddianı İranın Birləşmiş Millətlər Təşkilatındakı daimi nümayəndəsi Amid Səid İrəvani irəli sürüb.
Daimi nümayəndə BMT Təhlükəsizlik Şurasına və Baş katibə ünvanladığı məktubda İsrail hakimiyyətinin döyüş ruhlu bəyanatlarını mühakimə etməyə çağırıb.
İran mediasının məlumatına görə, yanvarın 29-na keçən gecə İsfahan şəhərindəki hərbi obyektə dronlarla hücum edilib. Xəsarət alan olmayıb, obyektə cüzi ziyan dəyib.
